Баткен облусунда катуу тумандан улам эки унаа сүзүшүп, эки адам каза болду. Бул тууралуу республикалык жол кыймылынын коопсуздугун камсыздоо башкы башкармалыгы билдирди.
Маалыматка ылайык, жол кырсыгы 6-декабрь күнү Ош-Исфана унаа жолунда болгон. Анда Мерседес-Бенц унаасы менен Хонда Фит унаасы сүзүшкөн. Кырсыктын кесепетинен Лейлек районунун эки жараны каза болуп, дагы 4 адам жабыркаган.
Учурда кырсык боюнча материалдар чогултулуп, териштирүү иштери жүрүүдө.