Стамбулдагы митингге байланыштуу консулдук кыргызстандыктарга кайрылды

Стамбулдагы кырдаалга байланыштуу Кыргызстандын Стамбул шаарындагы башкы консулдугу кыргызстандыктарга кайрылуу жасады.

Кайрылуусунда башкы консулдук Нооруз майрамын белгилөө токтотулганын айтты.

"Урматтуу Стамбул шаарында жашаган мекендештер! Стамбул шаарындагы кырдаалга байланыштуу 2025-жылдын 21-мартында Нооруз майрамын белгилөө токтотулду.

Сиздерди эл көп топтолгон жерден алыс жана этият болууңузду өтүнөбүз", - деп жазылат анда.

Кечээ, 19-мартта Стамбулда жана Түркиянын башка шаарларында Түркиянын лидери Режеп Тайып Эрдогандын алдыдагы президенттик шайлоодогу негизги атаандашы деп эсептелген шаардын оппозициячыл мэри Экрем Имамоглунун кармалышына нааразылык иретинде массалык демонстрациялар өттү.

Автор: Азат Бейшенбеков