"Дүйнө сулуусу-2025" сынагына Кыргызстандын атынан ким катышары белгилүү болду

Айжан Чаначева Кыргызстандын атынан "Дүйнө сулуусу-2025" сынагына катышат. Бул тууралуу "Кыргызстан сулуусу" сулуулар сынагынын уюштуруучулары билдирди.

"Биз Айжан Чаначева Кыргызстанды татыктуу таанытарына ишенебиз. "Мисс Кыргызстан" сынагынын уюштуруучулары ага ишенебиз жана ийгилик каалайбыз", - деп билдиришти.

"Дүйнө сулуусу-2025" сынагы 7-майдан 1-июнга чейин Индиянын Телангана штатында өтөт. Сынакка 132 өлкөдөн барган сулуулар катышат.

Белгилей кетсек, "Дүйнө сулуусу" сынагы Индияда экинчи жыл катары менен өтүп жатат. Былтыркы сынак Мумбай шаарында өткөн.

Автор: Азат Бейшенбеков