Бир бүркүм... БАТКЕН КЕНГЕ БАЙ...

Энергетика министри Аскарбек Шадиев электр энергиянын өз баасы 20-февралда такталып бүтөрүн билдирди. Учурдагы өз баасы орточо 46 тыйынды түзөт.
Кыргызстан быйылкы жылы Өзбекстандан жаратылыш газынын 1000 метр кубун223 доллардан сатып алат. Бул баа былтыркы жылга салыштырмалуу 19 долларга арзан.
Улуу жазуучу Чыңгыз Айтматов төрөлгөн жана акын Алыкул Осмонов каза болгон 12-декабрды Кыргыз улуттук адабият күнү деп кабыл алуу Жогорку Кеңеште каралууда.
“Газпром Нефть Азия” ишканасы күйүүчү майдын баасын 50 тыйынга арзандатты.
Баткен облусунун пайдалуу кендеринин баасы 65-70 триллион доллар турарын «Тоо өнөр жайчы жана геологдор» ассоциациясынын президенти Орозбек Дүйшеев айтты.
Орусиянын укук коргоо органдары Москвада 30 кыргызстандык кармалгандыгы тууралуу маалыматты четке кагышты.
Жаратылыш ресурстар министрлиги акыркы 13 жылда кен иштетүү боюнча ар кандай компанияларга 1057 лицензия берген, бирок бирөөсүндө дагы өндүрүш иши жөнгө салынган эмес.
УКМК Жалал-Абад облусунун Базар-Коргон районунда колго жасалуучу куралдардын устаканасы бар экенин аныктады.
Мусулмандар диний башкармалыгы жаңы уставдын долбоорун иштеп чыгышат.
Ош шаарындагы Кыргыз-Өзбек университетине залкар жазуучу Чыңгыз Айтматовдун ысымын берүү демилгесин Ош облусунун губернатору Сооронбай Жээнбеков сунуштады.
“Сүлүктү көмүр” акционердик коомунун жумушчулары кызматтан алынган директорду кайра ордуна кайтаруу үчүн митинг уюштурушууда.
Депутат Курсан Асанов июнь окуясында дайынсыз жоголгон 31 кишинин тагдыры ушул күнгө чейин белгисиз экенин билдирди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 428, 14-20-январь, 2011-жыл.