ТЕМИР КЕНДИ БЕРСЕК, КЫТАЙЛАР ТЕМИР ЖОЛ САЛАТ

Кытай-Кыргызстан-Өзбекстан каттамы менен жүрө турган темир жолдун курулушу көптөн бери айтылып келет. Бирок долбоор кагазда гана жашап, иш жүзүнө аша элек. Анткени ар бир мамлекет кызыл пулун ортого чыгарууга даяр эмес. Транспорт жана коммуникация министрлигинин айтымында, темир жол курулуп бүтсө, Кыргызстан жыл сайын 210 миллион доллар киреше таба алат. Бирок маселе башкада.
Кайра эле “кайда барба, Мамайдын көрү” деген көрүнүш. Кыргызстан курулуш үчүн каражат таба албай, анын ордуна Кытайга алтын (Терек-Кан аймагын), темир (Жетим аймагын) жана алюминий (Сандык аймагын) чыккан кендерин сунуштаганын депутаттар талкууга алышты. «Ата Мекенчи» депутат Карганбек Самаковдун айтымында, Жетим кени 3 триллион доллар, Сандык кени 150 миллиард доллар турат.
“Оңго барсаң өзүң, солго барсаң атың өлөт” демекчи, бир жагынан темир жол керек, бирок кыргыздын эртеңки урпактарынын энчиси болгон кирешелүү кендерин кытайларга кармата берүү да туура эмес. Темир жолду да өз пулубузга куруп, кенди да өз күчүбүз менен иштете турган күн келер бекен?

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

upelline

2011-01-14 17:45:48

Бул аймактагы кендерге тендер жарыялап анан эн бизге туура келгенин тандап ишке ашырыш керек.
Бироосун тандаштан мурда(женичуну) анын бут "суу алдындагы таштарын" изилдеп чыгуу зарыл. Биринчиден биздин рисктерибизди каралыш керек,анан гана калганын караса болот.
Кытайларга берууго болбойт,шашылган шайтандыкы.

TolonturCN

2011-01-14 21:08:04

Ансыз деле канча жылдан бери КРдан камаздап темирлер Кытайга ташылып жатканын көрүп сыздайым, калыбына келгиз байлыкты КР өзү эле колдонсо кандай гана соонун болмок.

ABU

2011-01-15 10:05:27

Men bul nerse karwymyn,antkeni baylikti ber anan otur bolup kalabyz. upelline aytkany tuura bugun jirgap erten iylap kalbayly. Karganbek Samakov ozu Naryndan bolot ta Maseleni jakwy ele bilet boluw kerek. Naryn arkyluu Kitayga ketken temir-tezektin sanyn bilet boluw kerek, jana kayra bizge kancha ese kymbat bolup keliwin.

saltane

2011-01-18 15:41:20

аракет кылсак берекет озубуз эле иштеткенге аракет кылсак болот го азыркы окмот бул жагын ойлонуп корсо келечекке пландап койсо эмне учун болбойт алтынды бердик АКШ га Сымапты бердик дагы бироосуно ушунун баары эле экономикалык жактан артка тартып жатпайбы элге пайдасы тийбегенден кийин эмнеге беребиз башкаларга андан коро жердин алдында катылып жата берсе кимге тоскоол болуп атыптыр! артык доолот баш жарбайт дегендей бугун болсо эртен эртен болбосо бурсугуну кереги тийет да келечекке!

Комментарий калтыруу үчүн өз ысымыңыз менен кириңиз же каттоодон өтүңүз.

№ 428, 14-20-январь, 2011-жыл.