Коңшу улуу держава Кытайдын президенти Ху Цзиньтао АКШда иш сапары менен жүрөт. Демейде коомчулукка түнт адам катары таанылган Кытайдын ажосу америкалыктарды таң калтырып турган кези. Анткени ал АКШнын жетекчилиги менен болгон жолугушуусунда “Кытайдын валютасы – юань дүйнөлүк деңгээлге көтөрүлүүгө атаандаш болот” деп айтты. Буга чейин доллар менен юань тымызын күрөшүп келсе, эми минтип президент өзү валюта согушун ачык деп жарыялады.
Мындан ары долларды “жашыл акча” деп эркелетсек, юанды “кызыл пул” деп калат окшойбуз.