Бир бүркүм... 4-ФЕВРАЛДА БИШКЕК ШААР БАШЧЫСЫ ШАЙЛАНАТ...

ЖКнын депутаты Акылбек Жапаров мамлекеттик структуралардагы 1,5 миңдей жеңил машинаны аукциондон сатууну сунуштады. Анын демилгеси боюнча, кызматтык унаалар министрлерге гана калтырылышы керек.
“ИИМдин кызматкерлеринен тартылып алынган 1400 курал-жарактан 200ү гана кайтарылды”,- деди Ички иштер министринин орун басары Жеңиш Жакыпов.
Мурдагы вице-премьер Азимбек Бекназаров чоң партия түзүп, анын атынан президенттик шайлоого бир талапкер чыга турганын айтты.
Москва шаарынын “Домодедово” аэропортундагы жардыруудан кийин көп кыргызстандыктар кармалышканын ЖКнын депутаты Жоомарт Сапарбаев айтууда.
Чет өлкөлүктөр тарабынан кыргызстандык балдарды багып алуу шарттары оордотулат. Эскерте кетсек, бул тармакта мыйзам бузуулар катталган соң асырап алуу процесси убактылуу токтотулган.
Испаниянын падышасы Хуан Карлос I тарабынан коомдук ишмер Таалайбек Бапанов Крест офицер ордени менен сыйланат.
Президент Роза Отунбаева Казакстанга барган сапарында мамлекет башчы Нурсултан Назарбаев менен нефть жана сүт азыктарын ташуу үчүн киргизилген тыюуну жокко чыгарууну макулдашышты.
4-февралда Бишкек шаар башчысы шайланат.
Акмат Бакиевдин иши боюнча сот 17-февралга жылдырылды.
5 жылдан бери жетим жана майып балдар, ошондой жардамга муктаж үй-бүлөлөр менен иштеп келе жаткан “Сурия” кайрымдуулук фонду таланттуу эгиздер үчүн сынак жарыялайт. Сынак музыка жана кол өнөрчүлүк багыттары боюнча өтүп, ага 5 жаштан 100 жашка чейинки каалоочулар катыша алышат.
Сурап-билүү телефондору: (0312) 93-25-50, (0778) 55-56-65

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

EmMiR

2011-02-05 23:50:30

мэр ким болду?

Комментарий калтыруу үчүн өз ысымыңыз менен кириңиз же каттоодон өтүңүз.

№ 431, 4-10-февраль, 2011-жыл