Бир бүркүм... «ШЛЯПАЧАН АЙЫМ» 16 ЖЫЛГА КЕСИЛДИ...

Өкмөт фермерлерге насыя берүү үчүн 4 коммерциялык: “Айыл Банк”, “Кыргызстан”, “Азия Банкы” жана “РСК Банкты” тандап алды.
“Манас” эпосу боюнча маселени кароо үчүн ЮНЕСКО эки тараптуу комиссия түзүүгө даяр экендигин депутат Карганбек Самаков айтты.
Өлкөнүн 340 миң жакыр үй-бүлөсүнө өкмөт тарабынан бекер ун таратылат.
“Азия Курулуш” ЖЧКсынын башкы директору, “шляпачан айым” атагына конгон Адина Турдубаева 16 жылга эркинен ажыратылды. Эскерте кетсек, ага карата 100гө жакын кылмыш иши козголгон.
“Бишкек шаар башчысынын айлыгы 17 миң сом” деп баш калаанын мэри Иса Өмүркулов билдирди.
12-13-февралда Бишкекте Борбор Азия өлкөлөрүнүн кол өнөрчүлүгү боюнча жарманке өтөт.
Бишкекте 339 көчөнүн аталышы жок, анын ичинен көбү жаңы конуштарда жайгашкан.
ЖКнын жаңы депутаттары КСДПдан Мурадыл Мадеминов жана “Ата Журттан” Хажимурат Коркмазов БШК тарабынан каттоодон өтүштү.
Парламенттик үгүт учурунда “Республика” партиясынын басма сөз кызматын жетектеген Кубат Болоткан уулу “Учкун” ААКсынын башкы директору болуп дайындалды.
Акыркы 40 күндүн ичинде уюшкан кылмыш тобунун 31 мүчөсү ИИМ кызматкерлери тарабынан кармалды.
Быйылкы жылы орточо айлык акы 8,5 миң сомду түзөрүн Экономикалык тескөө министри Учкунбек Ташбаев айтты.
10-январь күнү “Ош базарында” иштеген соодагерлер Ак үйдүн алдында нааразычылык акция өткөрүштү.
Кыргыз улуттук «Кабар» маалымат агенттигине Кубанычбек Таабалдиев жетекчи болуп дайындалды.
9-февралда Египеттен 122 кыргызстандык жаран учуп келди. Аталган өлкөдө январь айында башталган элдик толкундоолор аягына чыга элек.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 432, 11-17-февраль, 2011-жыл