Бир бүркүм... МАСАЛИЕВ 14 ЖЫЛГА КЕСИЛЕБИ?..

Үстүбүздөгү жылы Өзбекстан бааны арзандатканына карабай, жарандарыбыз үчүн жаратылыш газы арзандабайт. Газдын 1000 метр кубу 19 долларга арзандаган.
Бишкек шаарынын жашоочулары бир күндө 200 тонна нан жешет.
КРнын Мамлекеттик архитектура жана курулуш агентствосунун башчысы болуп Каныбек Нарбаев дайындалды.
2011-жылы өлкөдө кант кызылчасы 3800 гектарга көбүрөөк эгилмекчи.
Быйылкы жылдын 1-февралына карата салык төлөөчүлөр мамлекетке 2 миллиард 13 миллион сом карыз.
2011-жылы Кыргызстанда 14,3 миллиард килоВатт саат электр жарыгы өндүрүлмөкчү.
Мухамметкалый Абылгазиев Социалдык фонддун төрагалык ордуна барып отурду.
Криминалдык авторитет Камчы Көлбаевге издөө жарыяланганын президент Роза Отунбаева билдирди.
Апрель айында Апрель элдик ыңкылабынын 1 жылдыгы белгиленет.
Нарындык аксакалдар Роза Отунбаевадан президенттик шайлоого катышуусун өтүнүштү.
Аргынбек Малабаев “Улуттук компания “Кыргыз темир жолу” мамлекеттик ишканасынын башкы директору болуп дайындалды.
Болот Шер Көк бөрү федерациясынын башкы катчылыгынан ден соолугуна байланыштуу кетти.
Кыргызстанда жыл сайын 3500дөн ашуун өрт катталат.
Бишкек шаарындагы “Ош базарынын” айланасында жыл башынан бери 1920 жолу жол эрежелерин бузуу катталган.
Өлкөдө 22 миң трактор бар. Алардын 17 миң даанасы гана иштейт.
Экс-депутат Исхак Масалиевди мамлекеттик айыптоочу 14 жыл эркинен ажыратууну соттон өтүндү.
Президент Роза Отунбаеванын жарлыгы менен Марат Эшперов жана Виктор Иванов КРнын Башкы прокурорунун орун басарлары болуп дайындалышты.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 434, 25-февраль - 3-март, 2011-ж.