УБАДАЛАР КУРУ КАЛАБЫ?

“Саясатчылар периштелерге айланып баратышса, анда шайлоонун жакындаганы” дечү беле? 2010-жылы эң таза өттү деген парламенттик шайлоону баштан кечирдик. Анда партиялар чоң-чоң убадалар менен элди аябай эле тойгузушкан.
Эмесе, “сөз бергендин аткармайы бар” демекчи, Коалициялык өкмөттүн мүчөсү КСДПнын убадаларына көңүл бурабыз. Анткени бул партиянын лидери бүгүн өкмөттү башкарып отурат.
Алар шайлоо алдында: “Биз бийликке келсек, мамлекеттик кызматкерлердин санын кыскартабыз”,- деп айтышкан. Бирок азыр иш жүзүндө тескери жыйынтыктарын байкаганга болот. Бакиев кезинде 16 министрлик жана комитеттер болсо, азыр алардын саны – 20.
Партия “калкты сапаттуу медициналык жардам жана дары-дармектер менен камсыз кылабыз” деп ооз көптүргөн. Алардын бири да жок. Кайра “дары-дармектердин кошумча наркына салык киргизебиз” деп жатышат. Ал эми сапаттуу медициналык жардам – азырынча кыргыз эли үчүн кыял.
Андан ары карай жылсак: “Балык башынан сасыйт. Биринчиден, өлкөнүн башчылары уурдабаш керек. Качан бийлик мамлекетти тонобой, элди ойлогондо гана Кыргызстан бай өлкөгө айланат”. Бул Алмазбек Шаршеновичтин айтканы. Ага карабастан, азырынча биздин бийлик “Кыргызстанда келесоо менен колу жок гана уурдабайт” деген принципти карманат окшойт. Партия мындан сырткары да көптөгөн убадаларды кыргыз элине берген. Алар сөз бойдон калабы же ишке ашабы, аман болсок көрө жатарбыз.
P.S. Эмки сандарыбызда башка партиялардын берген убадаларына да саресеп салабыз.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

lider-kg

2011-03-19 14:18:04

эл которулуп катуу талап кылбаса болбой калды

lider-kg

2011-03-19 14:20:06

буларды кубалаб жиберсе болбойт иштетиш керек тепкилеп журуп чынбы

jua

2011-03-20 23:13:07

Супер инфо бир аз да болсо элдин духун которуп политика жонундо жакшы жактарын жазгылачы суранабыз ато качан болсо эле Ата Мекен партиясынан башкасынын баарын жамандап желмогуз кылып жазасынар

Prokuror

2011-03-21 09:43:24

Саясатчылардын баары жалганчы, алдамчы, куруу убадачы болушат, билбейсинерби?

Prokuror

2011-03-21 09:44:42

Андай болбосо алар которуло албайт та. Аларга ишенип туралычы башка айла болбойт...

Комментарий калтыруу үчүн өз ысымыңыз менен кириңиз же каттоодон өтүңүз.

№ 437, 18-24-март, 2011-жыл