БАЙБОЛОВ БАШ ПРОКУРОРЛУКТАН БОШОТУЛДУ

Президент Роза Отунбаеванын жарлыгы менен Башкы прокурордун милдетин аткаруучу Кубатбек Байболов кызматтан алынып, ордуна президенттин парламенттеги өкүлү Аида Салянованы дайындоо чечими кабыл алынды. Байболовдун кызматтан алынышына анын жубайы Н.Байболова менен «Сарамжал Транс» фирмасынын ортосундагы сатуу-сатып алуу иштери себепчи болбой койгон жок. «Сарамжал Транс» «Альфа Телекомдон» (Мегаком) финансы каражаттарын алып чыгуу максатында түзүлгөн фирма деген шек бар.
Баш прокуратурага «Альфа Телеком» ЖАКсына байланыштуу козголгон кылмыш иштерин тергөөгө көзөмөл жүргүзүү укугу берилгенин эске алганда моралдык-этикалык жактан К.Байболовдун бул кызматта турганы туура эмес. Компаниянын жана Баш прокуратуранын айланасындагы чуулгандуу иштерге чекит коюу үчүн президент Байболовду кызматтан четтетүүгө аргасыз болду.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

SherhaN

2011-04-02 11:14:24

Уят эле эми элди да сатышат го "оптом"...

UvE

2011-04-03 16:41:34

Туура болду! Бабановду да алып коюуу керек эле жумуштан!!!

Programmer

2011-04-03 19:29:29

Сөз жок биздин саясатчылырга

arlekino

2011-04-06 11:38:07

бирин - бири чукуй башташты...спордон истинна чыгат дегендей ой эми чындыктар чыга баштайт жашырган

Комментарий калтыруу үчүн өз ысымыңыз менен кириңиз же каттоодон өтүңүз.

№ 439, 1-7-апрель, 2011-жыл