Ырчы Иса Өмүркуловдун продюсер Асыл Апасова менен иштеше баштаганына эки айдын жүзү болду. Продюсердин эмгегиби, айтор, ырчы жигитибиз Казакстандын Кустанай шаарында өткөн “Алтын микрофон” Эл аралык сынагына катышып, 2-орунду илип, ноутбуктуу болуп кайтты.
“Сынакта Атай Огомбаевдин “Жаштарга” аттуу ырын аткардым. 11 өлкө катышкан бул сынакта 2-орунду алышым – мен үчүн жетишкендик. Асыл эже экөөбүз май айында Алматы шаарында боло турган “Боз торгой” сынагына даярданып жатабыз”,- дейт сүйүнгөн ырчы.