ТАШИЕВ БИЙЛИК БАШЧЫЛАРЫНЫН БАЛДАРЫН ТАРБИЯЛАГЫСЫ КЕЛЕТ

“Ата Журт” фракциясынын лидери Камчыбек Ташиев “Президент, ЖКнын төрагасы жана өкмөт башчынын жакын туугандары үчүн чектөөлөр” деген мыйзам долбоорун сунуштап, талкууга салды. Ага ылайык, эгерде мыйзам долбоору кабыл алынса, жогоруда үч аткаминердин жакын туугандары министр, губернатор, депутат сыяктуу саясий-мамлекеттик кызматтарга келүүгө укуксуз.
Бул жерде депутат Акаевдердин үй-бүлөсүнөн чыккан Айдар жана Берметтин депутаттыкка барып, Кыргызстанда кандай окуялар болуп кеткенин эске салды. Ошондой эле акцияларынын пакетинде мамлекеттик үлүшү бар коомдорду башкарууга да жол берилбейт. Бул пункт Максим Бакиевдин иштеринен улам келип чыкканы анык. “Сүткө оозу күйгөн айранды үйлөп ичет” демекчи, Камчыбек мырза бийликтеги негизги үч адамдын үй-бүлөсүн теске салуунун ушундай жолун сунуштоодо.
Айтмакчы, «жакын туугандар» деген тизмеге аткаминердин ата-энеси, жубайы, бала-чакасы, бир туугандары кирет. Талкууда “күйөө бала, жезде дегендерчи?” деп кызыккан депутаттар да болду. Анткени кыргыздын күйөө балдардан да оозу күйгөн жайы бар эмеспи.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

Kubanychbekkagan

2011-05-23 12:23:17

Ташиевдин башына таш тийит Максим менен Айдарчикти түш көрүп чыккан го дейм ыя? Ичкен кудугуңа түкүрбө дегендей Бакиевдин убагында анын жардамы менен азыркы ташиев атка конду эле эми минтип алар жокто оозун эки метр керип сүйлөп жатканы абийирсиздик же коркоктун иши деп бааласак туура го дейм.

Шаиста Шатманова

2011-05-23 13:07:39

Ушул мыйзам кабыл алынып, иш жузундо иштей баштаса уйдой балээден кутулмакпыз. Жатып ичерлердин саны азаймак!

Amorekr

2011-05-24 00:52:46

Баракеде, дал ушундай мыйзамды бизге киргизиш керек деп айттым эле бир австриялык дос менен суйлошуп жатып. Австралияда, жарандар депутат же министр болууга укугу жок эгерде бизнеси бар болсо. Андан тышкары Президенттин, спикердин, премиердин еле эмес, министрлердин туугандары жоопту кызматка отурганга укуктары жок. Жанагы ана баш куйоо балдарды да тизмекке киргизиш керек, а то бизде эсеп менен уйлонуп кариера жасагандар Кыргызстандын байлыгып чалчандап чачып жатышат...

arlekino

2011-05-24 10:50:04

ой андан керектуу закондор иштебейт кайдагы жомок закон иштемек эле... гос жумушта иштебесе да, аке-укелеринин жардамы (гос.жумуш.кимиси отурса) менен бизнестери гулдоп жайнайт...так что эч кандай деле натыйжа бербейт

Adikalon

2011-05-24 18:42:37

Башкаларды тарбиялагандан коро озун тарбиялап алсынчы. Анан башкаларды тарбияласа окшошот.

Janusia

2011-05-25 15:36:05

Ташиев сыягы президенттик шайлоого озуно очко топтоп жатабы же чын ниети менен сунуштап жатабы.Эгер бул закон кабыл алынса Кыргызстан кичине да болсо алдыга жылат деген ойдомун.

Almazmusaev

2011-05-26 12:41:56

Азамат. Эн жакшы идея. Ташиевдей эр-азаматтар кобойсун жергебизде...

kgzboy

2011-05-26 14:32:07

Зыяндан пайдасы кобуроок мыйзам экен, кабыл алынса капачылык жок. Ташиев онолоюн деп калган сыягы.

Комментарий калтыруу үчүн өз ысымыңыз менен кириңиз же каттоодон өтүңүз.

№ 446, 20-26-май, 2011-жыл