КҮЧ ҮЙ ЭЭСИН ТААНЫБАЙТ!

19-22-май күндөрү Ташкентте күрөш (эркин, грек-рим жана аялдар арасында) боюнча Азия биринчилиги өттү. Континеттин 21 өлкөсүнүн катышуусундагы аталган мелдеште биздин күрөшчүлөр 5 медаль (1 алтын, 4 коло) бөктөрүштү. Балбандардын арасынан грек-рим күрөшү боюнча 55 килограмм салмакта чемпион аталган Арсен Эралиев өзгөчөлөнүп, абсолюттук жеңишке жетишти. Дегеним, ал чемпиондукка карай чейрек финалда индиялык атаандашын 6:0, жарым финалда ирандык атаандашын 6:1 жана финалда үй ээси – өзбек балбанын 8:0 эсебинде жеңип, уятка калтырды.
Андан тышкары мелдеште эркин күрөшчүлөр Айбек Усупов (66 килограмм) менен Иннокентий Иннокентьев (84) бирден коло тагынышты. Калган эки колону грек-рим күрөшү боюнча Мурат Рамонов (120) жана кыз-келиндер күрөшүндө Мехринисо Нурматова алып келди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Tima11

2011-06-02 00:12:52

Азаматтар! Бекем ден соолук баарынарга, ден соолук болсо, дагы мындай жеништердин далайын багынтасынар деп ишенем!

Комментарий калтыруу үчүн өз ысымыңыз менен кириңиз же каттоодон өтүңүз.

№ 447, 27-май - 2-июнь, 2011-жыл