Кыргызстан бүгүнкү күнгө чейин чет өлкөлөрдөн алган насыялардын негизги суммасын жана пайыздык үстөгүн 2050-жылга чейин төлөп бүтүшү керек. Бул тууралуу Каржы министринин орун басары Мирлан Байгончоков билдирди. Анын айтымында, тышкы карыздын жалпы көлөмү 2,6 миллиард долларды түзөт. Мунун ичинен ири көлөмдө Кытайга 151 миллион, Японияга 330 миллион, Орусияга 490 миллион доллар карызыбыз бар. Жалпы карызды өлкөбүздүн ар бир тургунуна бөлгөндө 470 доллардан тиет.