ӨЗҮБҮЗДҮН ЖЕРИБИЗДИ КАЧАН КАЙТАРЫП АЛАБЫЗ?

Кадамжай районунун тургундары 20 жылдан бери Кыргызстандын аймагындагы жер астындагы түтүктөр аркылуу суткасына 20 тоннага чейин мунай Өзбекстанга кетип жаткандыгын билдиришип, бул боюнча катуу чара көрүү талабы менен жергиликтүү бийлик органдарына кайрылып келишет.
КРнын Өкмөтүнүн 2000-жылдын 7-февралындагы «КРнын аймагында жайгашкан газ-техникалык курулуш имараттары жана Өзбекстан Республикасынын чарбалык субъекттерди иштетип тургандыгы жөнүндөгү» №66-токтомуна ылайык, негизги нефть жана газ скважиналарын, ошондой эле «Түндүк-Сох» газ сактагычын «Кыргызгаз» жана «Кыргызнефтегаздын» балансына өткөрүп бериши керек эле. Бирок 10 жылдан бери Өзбекстан белгисиз шылтоолор менен аталган мүлктөрдү бербей келет.
Өзбекстандын «Фергананефть» АКсы нефтини жана газды иштетүү үчүн Кыргызстандын аймагынан 184 гектардан ашуун жерди пайдаланып келүүдө. Анын ичинен 32 гектары суулуу жер болсо, 152 гектарын жайыттар түзөт. Мындан сырткары «Түндүк-Сох» газ сактагычы 360,2 гектар, жогорку жана төмөнкү басымдагы газ өткөрүүчү түтүктөр 700 гектар жайыттарды ээлеп турат. Бардыгы болуп 1270,2 гектар жер Өзбекстан тарабынан мыйзамсыз пайдаланылып келе жатат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

kalpakchan

2011-06-06 14:24:15

Бийлик эмнени карап жатат?озбекстан ошол эле газды кайра озубузго сатат,ал гана эмес кыштын кыраан чилдесинде убагында толо акчасын деп газды токтотуп койгонун кантесин Ошто,эй бийлик козунорду ачкылачы кыргыз учун,кыргызстан учун куйуп койгулачы кичине!Атамбаев жана анын командасы деле оздорун ойлогон адамдар экен,Алла Таалам кыргызстанга куйуп иштеп бере турган инсанды эл башы кыла кор!тажадык ушул 20жыл КТРден тушпогон адамдардан!

asyl

2011-06-08 18:33:51

эл учун,жер учун тим эле мындай,тигиндей кылып жиберем деп убада берген чиновниктер ушундай проблемаларды чечсенер боло...

UvE

2011-06-11 20:51:41

ӨЗҮБҮЗДҮН ЖЕРИБИЗДИ КАЧАН КАЙТАРЫП АЛАБЫЗ? Эч качан!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 448, 3-9-июнь, 2011-жыл