ЖОЛДОГУ ДААРАТКАНАЛАР КАЧАН ОҢДОЛОТ?

«Ата Мекен» фракциясынын жыйынында депутат Өмүрбек Абдрахманов КРнын Транспорт министри Эркин Исаковго “Төө-Ашуудагы дааратканалар качан оңдолот? Бул жөнүндө кайра-кайра айта берип уялып бүттүм. Силерде уят деген барбы? Төө-Ашуудагы эл-журт дааратканаларга кантип барып жаткандыгын көрүп уялсаңар болбойбу?! Азыр туристтер келип жатканда, даараткана курасыңарбы же жокпу?” деген суроону таштады. «Өзүм министр болсом, даараткана оңдо деп айтасың» дедиби, айтор, Исаков: «Төө-Ашууда биз билгенден дааратканалар бар, анан кайсы жакка курабыз? Эмне, жолдун ортосунабы?»- деп жооп кылды.
Министрдин жообуна канааттанбаган депутат: “Тоннелдин кире беришиндеги сол жактагы дааратканын сасыгынан 10 метр жакын бара албайсың. Байкуш туристтер ал жакка барышат. Биз го таштын ары жагына бара беребиз. Туристтер ал таштарга бара алышпайт. Бул көйгөйдү карап койбойсуңарбы?..”- деп балп этти. Мындай сөздөн кийин министр бул маселени бир айдын ичинде тартипке келтирүүнү убада кылды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

baibolot71

2011-06-27 20:18:08

Ошол Тоо ашууга даараткана куруп койсо жакшы болмок,ары бери откон адамдар ар жакка тоонун колотторуна чуркатбай.Аны курганга аз эле чыгым кетмек,стеналарын тургузуп эле,канализация трубасын ылдый каратып койсо омуру толмок эмес.

veneraaalieva

2011-06-28 11:29:24

Чындап эле жолдогу дааратканалар качан онолот?
Качанкыга чейин эле таштын арасына чуркай беребиз?

doc03

2011-06-28 22:58:18

Дааратканалар Депутаттардын денгеелиндеги маселеге айланса билбейм анда...бул маселе менен башка адамдар алектениши керек...

Барс

2011-06-28 23:47:17

Урматтуу Дос03,депутаттарга каяша кылып аткан министр болумушту айтсаң!!!Анан ал бизди уга коебу!

Pozitiff

2011-06-30 14:44:59

Бизде дааратканадан башка олуттуу маселелердин тугонуп калганына аябай "кубанып" отурам.

19zamir87

2011-07-01 12:50:06

Ого!депутаттар да таштын аары жагына өтөт экен?туалет куруш керек да жолдорго wc деп знак орнотуш керек,ошондо таштын аары жагындагы чөптөр кургабайт!

Комментарий калтыруу үчүн өз ысымыңыз менен кириңиз же каттоодон өтүңүз.

№ 451, 24-30-июнь, 2011-жыл