«Элдин аягында жатып, түш оой турабыз» дешкен ырчылар бул жолу күндөгүдөн эрте ойгонушту. Эмнеге дебейсизби? Анткени биз алардын башын бириктирип, бир күн болсо да эс алып кетүүгө баш калаабыздагы сейил бактардын бирине чакырган элек. Бирок бул жөн гана эс алуу болбостон, бир топ оюн-зооктор, боор эзген тамашалар, жылдыздар даярдаган дасторкон жана жандуу ырлар менен коштолду. Анда, окурман, бул эс алуунун жүрүшүнө күбө болуңуз.
Бул күнкү оюндарга көзөмөл болуучу калыстын жана алпаруучунун милдетин бийчи Бакыт Байсариев алды. Жылдыздар эки топко бөлүнүп, өз командаларына ат тандап, аны чечмелеп беришти.
ТАШТАНДЫ ЧОГУЛТМАЙ Эс алуубузга ыңгайлуу болсун дедиби, алпаруучу Бакыт дароо «1-сынак таштанды чогултмай. 2 мүнөттүн ичинде бул баштыктарга толтурасыңар» деп тапшырма берди. Бул мелдеште эки команда тең бирдей көлөмдө чогултушканына карабай, таштандынын “ассортименттүүлүгүнө” карап, “Кызыл өрүк” командасы утуп алды.
МҮШӨК МЕНЕН ЖАРЫШМАЙ Команданын капитаны Роза менен Айнурадай болсо кана?! Эки ырчы команданын намысын коргоо үчүн бут кийимдерин чече сала коёндой секирип жөнөштү. Мүшөккө чалындыбы же мүшөк чоңдук кылдыбы, айтор, бул оюнда сакадай жигитибиз Мирлан жерди бир кучактап турду. Жыйынтыгында «Мөндүр» командасы марага озуп жетти.
КАШЫК МЕНЕН ЖУМУРТКА ТАШУУ Учурда жумуртканын кымбаттыгын эске алыштыбы же анан жейбиз дештиби, айтор, оюнчулар бирин да жерге түшүрүшкөн жок. Баарынан да бул оюнда жигиттердин япон кыздарына окшоп майда-майда кадам таштап басканы баарыбызды жылмайтты.
АРКАН МЕНЕН СЕКИРМЕЙ Бул оюнга келгенде жылдыздардын экинчи деми ачылды бейм, бири-бирин кыйкырык-сүрөөн менен коштоп турушту. Анан да Юлянын арканды тескери айланта секиргени баарыбызга күлкү тартуулады.
“Жакшы адам тамак үстүнөн чыгат” деп ырчы Замир Арыкбаев кеч болсо да оюнчуларга келип кошулду. Жылдыздар “штрафной” дешип, буга чейин болгон тапшырмалардын баарын аткартышты.
МЫКТЫ АШПОЗЧУ Оюндун акыркы шартын укканда баары жымыңдай түшүштү. Анткени түштөнүү убактысы келип, ары-бери чуркап ойногондуктан, курсактар үн сала баштаган эле. Эки команда бирдей өлчөмдө бөлүнгөн азыктардан 5 мүнөттүн ичинде 3 түрлүү салат даярдоосу шарт болчу. Бирок оюнчулардын фантазиясы ашып-ташып, 5 түргө чейин жеткиришип, аларга өз ысымдарын ыйгарышты. Даярдалган даамдардын көрүнүшү жагынан “Кызыл өрүк” мактоого арзыса, жегенге келгенде “Мөндүр” командасынын салаттары тамшанта алды. Ошентип, оюндун жыйынтыгында «Кызыл өрүктү» кагып түшүрөбүз» деген «Мөндүр» командасына «Өрүктөр» туруштук берип, тең чыгышты. Оюнчулар эстеликке сүрөткө түшүп, селкинчек тебүүгө да жетишишти.
Жылдыздар таймашы - "Кызыл өрүк" күчтүүбү же "мөндүрбү"?
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (6)
Arstan
2011-07-11 14:34:16
Видеосу катып калды гоо
0
monchok
2011-07-12 02:16:13
жакшы болуптур сонун!
0
Debi
2011-07-12 10:59:18
алдей кимисиники болду экен
0
19zamir87
2011-07-12 14:04:37
Ого.. Жылдыздарыбыз да чогулушуптурго форумчуларга окшоп.
0
jazim
2011-07-12 21:44:09
Достоор моу арыык узуун бала ким эле?
0
Датка кыз
2011-07-14 12:01:50
"Тамашоунун" кыска жигити Мадияр деген
0
Комментарий калтыруу үчүн өз ысымыңыз менен кириңиз же каттоодон өтүңүз.
