Бир бүркүм... ЭГИЗДЕР СЫНАГЫ ӨТТҮ...

Гидрометеорология агенттиги 14-20-июль күндөрүнүн аралыгында өлкөнүн тоолуу аймактарында катуу жаан жаап, сел жүрүү мүмкүндүгүн эскертет.
Соңку 5 айдын ичинде Кыргызстанга ташылган күйүүчү майдын көлөмү 26 пайызга кыскарды.
Мамлекеттик медициналык академия быйылкы жылы 716 бүтүрүүчүсүнө диплом берди, анын 529у кыргызстандыктар.
Ош облусунда быйылкы жылдын январь айынан июнга чейин адам сатуу боюнча 14 далил катталды. Бул тууралуу “189” кызматы билдирет.
“ЖОЖдор негизсиз түрдө контракттык бөлүмдүн окуу акысын жогорулата алышпайт”,- деп Монополияга каршы агенттиктин өкүлү билдирди. Көптөгөн билим берүү мекемелери бааны мурункудай калтырган.
Экономикалык тескөө министрлиги мамлекеттик ипотека компаниясын түзүүнү сунуштап жатат.
Баткен шаарында таланттуу эгиздердин сынагы болуп өттү. Уюштуруучу “Сурия” кайрымдуулук фонду мындай иш-чараны башка облустарда улантышы ыктымал.
Реконструкция жана өнүгүү боюнча Европалык банк Токмокто жайгашкан айнек чыгаруучу “Интергласс” заводуна
8 миллион евро бөлдү.
Кадамжай районунда Эгемендик күнүнө карата мамлекеттик ишмер Апсамат Масалиевдин эстелиги жана музей-комплекси ачылат.
“Кыргызтелекомдун” Директорлор кеңеши компаниянын башкаруу тармагын толугу менен кызматтан алды.
Өкмөт 2010-жылы болуп өткөн окуяларда жабыркаган ишкерлерге 200 миллион сом жеңилдетилген насыя бөлүп берет.

Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Celiya

2011-07-18 22:58:54

кайдан куйуучу май арзандады, бугун Бишкектин копчулук май куючу жайларында бензин жок, бар болсо да 40 сом дейт.

elya2404

2011-07-19 04:23:27

Эгиздердин сынагы боюнча толугураак маалымат берип коесунарбы, мумкун болсо.

kyrqyz

2011-07-21 15:11:51

айнек чыгаруучу заводтун директору жыргап жатат экенда

Комментарий калтыруу үчүн өз ысымыңыз менен кириңиз же каттоодон өтүңүз.

№ 454, 15-21-июль, 2011-жыл