Дүйнөдөгү эң бай спортчулар – футболчу же мушкерлер эмес, гольф оюнчулары. Бул оюн Шотландияда XIV кылымда койчулар арасында пайда болгон. Алар таягы (посох – азыркы клюшкалар) менен майда таштарды же коёндун кумалактарын чаап ойношкон.
ТОП Азыр оюнда, негизинен, салмагы 45,93 грамм, диаметри 42,67 миллиметр өлчөмдөгү топ колдонулат. Алгач топтор жыгачтан жасалган, кийинчерээк каучук, азыр резинадан жасалат.
КЛЮШКА Ал алюминийден, углепластиктен жасалат. Жалпы жонунан клюшканын 14төй түрү колдонулат. Эң көп колдонулган түрү вуд, паттер жана айрон. Эң кымбат клюшканы «Barth & Sons» деген немис компаниясы алтын жана бриллианттан жасаган. Баасы 150 миң доллар.
КАР Оюн талаасы абдан чоң болгондуктан, оюнчулар аянтта атайын машина-карлар менен жүрүшөт. Баасы ар түрдүү. Эң кымбаты учурда Garia Edition Soleil de Minuit гольф карынын баасы 52 миң доллар. Даниялык дизайнерлер иштеп чыккан люкс классындагы бул машина-кар Финляндиянын заводдорунда жасалат.
ФАРВЕЙ Оюн талаасы фарвей деп аталат. Оюн башталган старттык чекти “ти” дешет. Кийинки чөп кыска өстүрүлгөн чек “грин”, ал эми чөп узун өстүрүлгөн чеги “раф” деп аталат. Грин менен рафтын ортосундагы чек – фарвей. Топ лункага оңой түшпөй, оюн кызыктуу болушу үчүн топко кумдуу тоскоолдуктарды (бункерлерди), суу тоскоолдугун (“water hazards”) жасашат.
ЛУНКА Чапкан топ атайын жасалган оюкка барып түшүшү керек. Ал оюк лунка деп аталып, диаметри 108 миллиметр болуп, жалпы аянтка 18 лунка жасалышы кажет.
ГОЛЬФ ТУУРАЛУУ КЫЗЫКТАР
Эң ири кирешелүү келишимдердин ар бир онунчусу гольф талаасында түзүлөт.
Гольфту кенедей кезиңден баштап карыган кезиңде да ойной аласың.
Тарыхта гольфту аялдардан эң биринчи болуп 1552-жылы Шотландиянын ханышасы Мэри ойногон.
Америкалыктар гольфтун тобу үчүн эле жылына 650 миллион доллар коротушат.
Дүйнөдөгү спортчулардын ичинен гонорары эң кымбаты гольф спорту болуп эсептелет. Маселен, гольфчу Тайгер Вудстун 2010-жылкы кирешеси 90,5 миллион долларды түзгөн. Дүйнөлүк гольфтогу акча айлануу жылына 20 миллиарддан 60 миллиард долларга чейин барат.
Австралия бүгүнкү күндө гольф жакшы өнүккөн өлкөлөрдүн сап башында. Алар эң чоң аянтты куруунун алдында турушат. Аянттын узундугу 1400 чакырымды түзмөкчү.
ГОЛЬФ КЫРГЫЗСТАНДА Гольф Кыргызстанда жаңы спорт түрү десек болот. Гольф федерациясы 2008-жылы түзүлгөн. Учурда Бишкек шаарына жакын жайгашкан Кара-Жыгач айылында Кыргызстан боюнча жападан жалгыз гольф аянтчасы бар. Анын ээси канадалык ишкер Эдвард Майлс. Аянты 25 гектарды түзөт. Дайыма ойноо үчүн мүчөлүк акынын баасы бир жылга 2000 доллар. Эки саатка 1000 сом төлөп ойноого болот. Аянттагы чөптүн уругун Америкадан алып келип өстүрүшөт. Чөптү күндө сугарып, тегиздеп туруу керек. Оюнга керектүү жабдыктар гольф клубунда сатылат. Алар көбүнчө колдонулгандар, жаңыларын чет өлкөлөрдөн заказ менен алдырышат.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (3)
kaarman
2011-08-16 04:05:12
Maga golf oinoo abdan jagat,tynch,syrtta,taza abada oinoisun,ech kandai churkoonun,shashuunun keregi jok.Oinogondo kadimkidei es alyp,cherin jazylat.
Bizde 1 oiun talaasy bar bolso,chon Rossiyada, janylbasam azyryncha 3 gana talaa bar.Buyursa,bizde da bul sport turu onugup,duinodo kop yigilikterge jetishebiz degen umuttor chon.
Kyzygy,bizde Kyrgyzstanda klubga muchoo boluu Germaniyadagydan da kymbat eken.Bul jakta jylyna 850 je 1000 euro toloshot,a bizde 2000 dollar eken.Arzanyraa
0
Tokmok
2011-08-17 00:31:18
oi bul sport emes. Men nerv bolup ketem, kechke meelep atyp. Andan koro churkap je bashka nerse menen mashygyp terdep tress snimat' etkenin jakshy.
kaarman: 2000$ mes 2000 som dedigo, $ ga echkim barbait.
0
Шаиста Шатманова
2011-08-17 09:23:56
Tokmok, Бир жылга клубга мучолук акы 2000 доллар деп турат. Кааласаныз 2 саатка 1000 сом толоп ойносонуз болот дейт.
0
Комментарий калтыруу үчүн өз ысымыңыз менен кириңиз же каттоодон өтүңүз.
ГОЛЬФ ТУУРАЛУУ КЫЗЫКТАР
ГОЛЬФ КЫРГЫЗСТАНДА 
