«ЭШЕГИМДИН БЕТИН КАРАЙ АЛБАЙ ЖАТАМ»

Апендинин жоруктарынан

Таң атпай эшегин тескери минип базарга бара жаткан Апендини көргөн киши:
– Ха-ха... Ай, Апенди, эмне эшегиңди тескери минип алдың?- деп шылдыңдайт.
Анда Апенди жер карап:
– Байкуш эшегимди кечээ катуу уруп койдум эле... Бүгүн минтип бетин карай албай жатам,- дептир.

Ыр чачыла

БИЛИМ АЛАМ
Күндө барам мектепке,
Таза кийим кийинип.
Агай менен эжейге,
Салам айтам ийилип.

Акылыма түйөмүн,
Мугалимдин айтканын.
Сабак окуп, эринбей,
Терең билим аламын.

Барактарын айрыбай,
Таза сактайм китепти.
Ийгиликке жетүү үчүн,
Сүйүү керек эмгекти.

ТАП, ТАП, ТАБЫШМАК
Чыйрак эшкен жипке окшоп,

Жерде жатса чубалат.
Болбосо да буттары,
Ылдам жылып жүрө алат. (Жылан)

Узун, сүйрү, сапсары,
Жашыл түстөн чачтары. (Сабиз)

Ишсиз турбайт,
Иште да ырдайт.
Тамчыдай жыйганын,
Таткан жан жыргайт. (Аары)

Коонго окшош, бирок коон делбейт,
Аны чийки эч ким жебейт. (Ашкабак)

Муштумдай, кызыл, тоголок,
Жер бетинде чоңоёт.
Алмабы деп талашпа,
Аны туурайт салатка. (Помидор)

7 АЙЫРМА ТАП

Дамира Арстанова
balakai@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Juliana

2011-08-30 07:42:41

jakshy yr eken, birinchi klasska bara turgandarga jattattyryp mektepke barsa bolchuday

oscar

2011-09-05 09:18:30

жетинчи айырмасын тапкан жокмун

Комментарий калтыруу үчүн өз ысымыңыз менен кириңиз же каттоодон өтүңүз.

№ 460, 26-август - 1-сентябрь, 2011-жыл