ТУЗДАЛГАН ЖАШЫЛЧАЛАР

Учурда кожойкелер банкаларын жууп, кышкы салаттардын камын көрө баштаган кез. Келиңиздер, бул жолу жашылчалардын түрлөрүн чогуу туздайлы.

АШКАНА СЫРЛАРЫНАН

Туз бат сиңиш үчүн бадыраңдын эки башын кесип коюу керек.
Бадыраң туздаганда уксустун ордуна кызыл карагатты же анардын данын кошсоңуз, өзгөчө даам берет.
Эгер туздаган бадыраңыңыз атып кетсе, суусун төгүп, помидордун ширесине укроп, петрушка, сарымсак, жарым чай кашык лимон кислотасын кошуп кайнатып, үстүнө куюп жаап койсоңуз болот.
Бадыраңдын үстүнө 2-3 помидорду терип жапсаңыз, ал атылып кетүүдөн сактайт.

“УКСУССУЗ ТУЗДАЛГАН БАДЫРАҢ”
Керектелүүчү азыктар:

ЖАСАЛУУ ЖОЛУ:

Бадыраңды жууп, эки учун кесип, 2-3 саатка муздак сууга чылап коёбуз.
Андан соң сарымсак менен кызыл калемпирди жууп-тазалайбыз.
Алдын ала бууланган банкалардын астына укроп, сарымсак, лавр, хрен, карагат жалбырактарынан, андан соң бадыраң менен калемпирди тизип салып чыгабыз.
Кайнак сууну үстүнө куюп
10-15 мүнөткө коё туруп, төгүп салабыз. Бул процессти эки жолу кайталайбыз.
Үчүнчү жолкусунда банкага (3 литрлик) 1 аш кашык кумшекер, 2 аш кашык туз, 1 чай кашык лимон кислотасы, жарым таблетка аспиринди салып, үстүнө кайнак суудан куюп, капкагын бекитебиз.
Жабылган банканы көмкөрүп, жылуу ороп коюуну унутпаңыз.

“АССОРТИ”
Керектелүүчү азыктар:

ЖАСАЛУУ ЖОЛУ:

Бадыраңды жууп, эки учун кесип, 2-3 саатка муздак сууга чылап коёбуз.
Калган жашылчаларды жууп, тазалап, аарчып даярдап алабыз.
Алдын ала бууланган банкаларга жашылчаларды ирети менен тизип салып, кайнак суудан куюп 10-15 мүнөткө капкагын жаап тыныктырып, кайра төгүп салабыз. Бул процесс эки жолу кайталанат.
Эми маринадды даярдайбыз. Ал үчүн 3 литр сууга 1 аш кашык кумшекер, 2 аш кашык туз салып кайнатып, ага тууралган укропту, сарымсакты кошуп 5 мүнөт кайнатып алабыз. Алгач кайнап жаткан маринадды, андан кийин 1 чай кашык уксусту (1 литрлик банкага) куюп, банканын оозун бекитип, муздаганча жылуу ороп коёбуз.

Дамира Арстанова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

anuka

2011-08-29 10:37:48

жакшы

jigitt

2011-09-01 18:45:29

ошонтсе эле атылбай калабы?

Asus84

2011-09-02 09:06:42

jasap koryw kerek tolko ewike koyo turuw kerek bolboso atylsa yidy bulgait

saya4ka

2011-09-02 15:48:29

жакшы экен. Мен кантип жапса болот деп ойлоп журчу элем... Рахмат, эми кылып коруш керек экен.

arzuu1

2011-09-20 00:15:36

менин методум да ушундай эле.

patriot_kyrgyzstan

2012-04-27 15:58:46

жакшы рахмат

nolvan

2012-05-18 20:37:05

зоргоооооооооо

Комментарий калтыруу үчүн өз ысымыңыз менен кириңиз же каттоодон өтүңүз.

№ 460, 26-август - 1-сентябрь, 2011-жыл