Бир бүркүм... АСФАЛЬТ-БЕТОН ЗАВОДУ ИШКЕ КИРЕТ...

Кытайдын 62 жылдык Көз карандысыздык күнүнө карата кытай-кыргыз чек арасы 1-9-октябрга чейин жабылат.
“Түркия Кыргызстандын 51 миллион доллар карызын биротоло кечти. Ошол эле учурда 10 миллион доллар грант бөлүп берет”,- деди ЖКнын төрагасы Ахматбек Келдибеков.
Кыргызстандын куралдуу күчтөрүнө Орто Азиядагы туруктуулукту сактоо үчүн Казакстан 3 миллион долларга бааланган кайтарылгыс аскерий-техникалык жардам көрсөтөт.
2012-жылдын күз айларында Кара-Балтада 800 миң тонна нефтини кайра иштетип чыгаруучу завод ишке кирет.
“Баткен облусунда 20-июлдагы жер титирөөдөн кийин 13 мектептин окуучулары чатырларда сабак окуп жатышат”,- дейт Билим берүү жана илим министринин орун басары Г.Сооронкулов.
Чет өлкөдөн көчүп келген этникалык кыргыздар кыргыз жарандыгын алуу үчүн мамлекетке төлөнүүчү салыктан жана консулдук төлөмдөрдөн бошотулат.
Кулчулуктун курмандыгы болгон 123 адам эл аралык миграциялык уюмдун жардамы менен Кыргызстанга кайтып келишти.
2012-жылдын 1-январынан тарта өлкөдөгү Ан-24 үлгүсүндөгү жүргүнчү ташуучу учактар колдонуу мөөнөтү бүткөнүнө байланыштуу пайдалануудан алынып салынат.
Кыргызстан Казакстанга 3,2 миллиард киловатт электр жарыгын 90 миллион долларга сатат.
Жалал-Абадда 2012-жылы муниципалдык асфальт-бетон заводу ишке кирет.
Кыргызстанда эки жылдан бери 44 чакырым чек ара гана такталып, Тажикстан менен 68, Өзбекстан менен чектеш 63 участок талаш бойдон калууда.
Жаштар иштери боюнча министрлиги Ч.Айтматов атындагы сыйлыктын сынагына документтерди кабыл алууну 15-октябрга чейин жылдырды.

Турдугүл Каримов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Muratbei

2011-10-04 06:40:47

Ushul bet maga jaga beret da.

OMG

2011-10-05 05:20:23

Maga da abdan jagat bir burkum janylyktar

Комментарий калтыруу үчүн өз ысымыңыз менен кириңиз же каттоодон өтүңүз.

№ 465, 30-сентябрь - 6-октябрь, 2011