Өлкөнүн туңгуч президенти Аскар Акаев орусиялык телеканалдардын бирине дээрлик сенсациялуу маек куруп бериптир. Анын айтымында, 2005-жылдагы Март төңкөрүшү баңгизаты менен шугулданган мафиянын акчасы менен ишке ашыптыр. “Митингдерде кадимкидей куралдуу адамдар жүргөн”,- дейт Аскар Акаев. Андан ары Курманбек Бакиевдин мындай кылмыштарына күбө болгондордун көзү тазаланганын айтат. “Түштүк баңгибарону, 6-7 депутат, журналисттер, белгилүү артист октон каза табышты”,- деп жооп берет. Сөз аягында былтыркы Июнь окуясы да баңгилердин уюгу болгон мафиянын жардамы жок өтпөгөнүн кошумчалаптыр.