БАБАНОВ ӨМҮРҮ БҮТӨЛБӨГӨН КАЗЫНАДАН АКЧА АШЫРЫП КАЛЫПТЫР
«Кыргызстан тарыхында биринчи ирет мамлекеттик казынада жылдык бюджеттен 3 миллиард 314 миллион сом ашып калды»,- деп өкмөт башчы Өмүрбек Бабанов билдирди. Мындайга кулагы көнбөгөн кыргыз «кезектеги «кесмеби» же чындап эле пулдун кадырын беш манжасындай билген ишкер-премьердин шарапатыбы?» деп айран-таң...
КЕЗЕКТЕГИ «КЕСМЕБИ» ЖЕ?..
Өмүрбек мырза премьер болуп келгени пиар жүрүш жасайын дедиби же чын эле казынанын тешиги бүтөлдүбү, кыскасы, элге сары майдай жага турган кадамдарды жасай баштады. Мындай жагымдуу көрүнүштөрдүн өмүрү узун болобу, азырынча ал жагы күмөн. «Чү» дегенде эле чиновниктерге «Жаңы жылды чет өлкөдөн тосуп, эс албайсыңар!» деген буйругун жөнөтүп, 3-январдан тарта эле жумушка киришишти. Жыл башында 10 күндүн ичинде казынанын киреше-чыгашасын эсептеп жиберип, биринчи жолу «акча ашып калды» деп баарынын оозун Ошту каратты.
Кечээ эле «Мегакомдун» акциялары, улутташтырылган мүлктөр сатылбай жана каатчылыкка каршы фонддон берилүүчү 106 миллион доллар насыялык акча келбей калды, эми бюджетти кантип толтурабыз?» деген чуу чыгып жаткан. 27-декабрда эле Каржы министринин орун басары Арзыбек Кожошев парламентте бюджеттеги 20 миллиард сомдук таңсыктык 3 миллиард сомго кыскарганын билдирген.
ЧИНОВНИКТЕР КЫСКАРУУДА
Өкмөт башчы бажы салыкчыларынын жакшы иштегенин баяндайт. Анын айтымында, 2011-жылы бюджетке 1 миллиард 103 миллион сомго ашыкча киреше түшкөн. «Салыкты жакшы чогулткан райондук салык кызматынын башчылары өз ордунда калат. Жакшы натыйжага жете албагандар орундарын бошотушу керек»,- деди Бабанов.
Өкмөттүн да жаңы түзүмү бекитилип, анда 15 министрлик, 1 мамлекеттик комитет, 6 агенттик, 9 кызмат, 2 инспекция, 3 фонд боло турган болду. Өкмөттүн түзүмүн оптималдаштыруу үчүн 3200 мамкызматкер кыскартылып, андан 1 миллиард 200 миллион сом үнөмдөлүп, жумуштан четтетилгендерге 400 миң сом компенсация төлөнөт.
Турдугүл Каримова
politika@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (18)
А3амат!эл учун иштей бергиле!бирок байлыкка берилип кетпегиле.мен ишенем!Аллах ийгилик берсин!
Ишенем! Кыргыздын келечеки бай экономикасы 1 орунда болот.
Ийгилик жаны башчыларга мени аскар менен баке дунганга уят кылбай жакшы иштегиле
Эми коралбастар аны да жумуштан четтетууно аракет кылатко.Бабанов ишине ийгилик!..
Ишене берип баары айткан созго ишенич да калбай калдыго,айтканы чын болсо экен!
Биздин бийликтегилер алкымын тыйып,акылын эле иштетсе кыргызстаныбыз бат эле онолуп кетет,Кудай насибин берсе.
ай ким билет - ким билет!!! чын эле болсун ылайым, кобуртуп жабыртып жибергенде да 50 % чын болуш керек
эмне биздин казынаданда акча ашат бекен? шумдугун кургур
бабанов айлыгы мн эле бийликте журот калп эле кылып жатам деп коет
Эхх....ушундай жакшы иштеп жаткан адамды жон койгула!Жардам бергиле!Ирип-чирип эле жамандай бербей! Бул адамдын байлыгы жетиштуу эле. Мындай айтканда, курсагы ток адам. Окмоттун казынасыга тийишпейт гоо! Быйыл карасам Бабанов ТВдан жанылыктардан тушподу. Али Ошто, али тошто болуп! Азамат ийгилик сизге! Чын дилден кыргыз эл учун иштеп бериниз!
чиновниктерди кыскартканы жагымдуу угулду.а акчанын ашып .Кыргызстаным онолот деген умутту кичине жандандырды.алга азаматтар
Аз ашырып калыптырго...ушул сумманы 2 эсеге көбөйтүп туруп айтса,башкача болмок.Себеби бизде казинолор көп,Бишкек-Вегас!
Э Алла!!!!Кудай сактай гоор!дагы эмне болуп кетти??))))болсун, болсун(чын журоктон)Роллтон лапшасы болбосо эле...
SeitBEK, кезектеги таластын кесмеси
мурун Бабановду жаман корчумун азыр кылган иштерин коруп ишене баштадым,
кагаз турундо да булар эх..
