“Сүйүүнү да издеген киши табат” дегендей, бүгүн биз түгөй издеген жаштарга көпүрө курдук. Тагыраак айтканда, “Супер сулуу-2011” сынагындагы “Сымбаттуу сулуу” наамынын ээси Айтурган Исраилованын жүрөгүнүн ээси болуу үчүн “Non-Stop” дуэтинин солисти Максат, ырчы Амир Аскаров жана “Тамашоунун” “Ак кеме” командасынын оюнчусу Эркин Усенбаев ат салышышты.
1. Алгач Айтурган өзүн тааныштыруунун “ысык” жолун тандаптыр. Чыгыш бийин бийлеп жатканда жигиттердин жүрөгү туйлап, чыдабай тура калып кол чаап, коштой бийлеп да жиберишти.
2. Оюнубуздун кийинки бөлүгү суроо-жооп аркылуу жакындан таанышуу болду. Айтурган “эгерде мени сүйсөң, мен койгон бардык шартка көнөт белең?” деп бир нече өзүнүн талаптарын коюп кирсе, жигиттер акыл калчап жооп берип жатышты.
3. Кийинки сынак жигиттердин баамчылдыгы менен эске тутуусун текшерүү болду. Айтургандын кандай кийинип турганын, тагынган сөйкөсүнүн өңүнө чейинки суроолор берилди. Бул жаатта жигиттер аялзатына тиешелүү нерселерге көп маани бербегендиги билинип, ар кандай “жомокторду” айтып жатышты. Эркин “мен аялдардын кийим-кечесине кийлигишпейм” деп кутулса, Максат “кара колготкиси бар” деп туруп алды. Амир сулуунун туфлиси жакшынакай жарашарына басым жасап тим болду. Ошентип, бул сынакта жигиттерибиз кыздардын кандай кийингенине анча баам салбай тургандыгын билдиришти.
4. Эң кызыгы “Кокус келинчегиңер айылчылап кетип калса...” деген сынакта башталды. Айтурган сууга бышырылган картошка, жумуртка, сыр, туздалган бадыраң, майонезди жигиттердин алдына койду. Кыз жүрөгүнө талапкерлер 3 мүнөттүн ичинде ушул азыктардан бир салат жасашы шарт эле. Бул сынакта Эркин “Смайлик” деген салаты менен таң калтырса, Максат “Айтурган” деген салаты менен андан кем калышкан жок. Ал эми Амир буга чейин ашканага аралашып көргөн эмес окшойт, салатына картошканын кабыгын аарчыбай да кошуп жибериптир. Мунусун “бул ушундай “Чыгармачыл бардак” деген салат” деп кутулду.
5. Кыздын көзү кызылда экенин жигиттер жакшы баамдашат окшойт, Айтурганга белектерин да камдай келишиптир. Эркин “менин жашоом бул – “Тамашоу” деп “Тамашоунун” дискин берсе, Максат билерик тапшырды. Ал эми Амир “мен кыздарга белек бербейм, качан гана мага турмушка чыкканда каалаганын алып берем” деп туруктуулукка басым жасаарын билдирди.
6. Айтурган сыноодон өтүп жаткан жигиттердин ичинен жүрөгүнө жакынын тапты көрүнөт. Бизге белги берген соң сынактар токтотулду. “Сымбаттуу сулуубуз” “үч жигиттин ичинен Максатты тандадым. Ал мага өзүнүн орундуу сүйлөгөнү жана токтоолугу менен жакты” деген чечимин айтты.
Ошентип, жаш жүрөктөргө көпүрө болгон биз жапжаңы эле табышкан түгөйгө белектерди берип, анан да биринчи жолугушууларына шарт түзүп киного билет бердик. Албетте, бул – шоу. Эгер табышкандардын жылдызы келишип, чыныгы түгөйлөргө айланса, буга себепкер болдук деп кубанабыз.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
Gumaw
2012-01-23 11:58:57
Амир таластык окшойт. Максат красавчик даана Эркек экен, анан дагы мага жаккан ырды созолонтуттуго чиркин. ущу Максаттай балдар коп болсо экен кыргызымда, а берки экоо дагы токтоо жашоого даяр эмес экен.
0
ymyta
2012-01-23 13:29:35
Чындыгында Максат абдан жакшы татыктуу бала экен.А Картошканы ачыбай койгон бала жаккан жок,биринчи озунду сыйла, анан калганын сыйлайсын дегендей...Бул кызды сыйлабагндыка жатат го.Хотя озуно ошондой сырты менен картошка берип кор,кандай гана жанталашып арчып жеерин.Ал эле болсо сырты менен жеп коет.Бул оюн болсо да баарына тен серьезно маани бериш керек.А Тамашоу догу бала озун аябай жылдыз сезет экен.Хотя Максат алардан 100 раз выше.Айтып кетет элем негизи ушундай балдарга кудай берет деп.
0
Шаиста Шатманова
2012-01-23 17:46:35
Амир калп айтты, "мага да аябай жакты" деген жеринде кулагын кармалап, калп айтканын билдирип койду.
0
Шаиста Шатманова
2012-01-23 18:25:16
Эркинге эл козундогу адам, "жылдыз" денгээлине жетууго ото эле эрте экен.
0
OMG
2012-01-24 09:26:27
En bashynda Aiturgan biilebedibi arabcha yrga oshol yrdyn attyn kim bilet ? jazyp koigulachy suranam
