КЛИЧКО НААМЫН САКТАП КАЛДЫ

18-февралда украиналык Виталий Кличко британиялык Дерек Чисораны утуп (упай айырмачылыгында үч калыстын чечими менен 118:110, 118:110, 119:111 эсептеринде), WBCнин версиясы боюнча чемпиондук наамын коргоп калды. Беттешке чейин мушкерлер күйөрмандарга нокаут убада кылып, бирок экөө тең аткара алышкан жок. Беттеш Кличконун үстөмдүгү астында өтүп, жеңип чыгуу оор болгонун моюнга алды. Бирок Кличконун жеңиши Чисоранын рингден тышкаркы опсуз жоруктарынын көлөкөсүндө калгандай болду.
"Виталийди жейм, жутам" деп ызырынган британиялык беттешке чейинки маалымат жыйынында Виталийди жаак талаштыра муштаса, беттеш башталарда иниси Владимирдин бетине түкүрүп салды. Бул жоруктарын боксту сыйлабагандык деп баалаган WBC уюму мушкерге 50 миң доллар айып салды. Бул да Чисораны токтото албады белем, жеңилген соң маалымат жыйыны учурунда мекендеши Дэвид Хэй менен мушташа кетти. Чырдын түйүнү Хэйдин Чисораны “жолсуз” дегенинен башталган дешүүдө. Мушташ үстүндө Чисора: “Хэй, сени атып кетем!”- деп айтты. Англиялыктардын мушташын көрүп эрксизден жылмайган Кличко тарап: “Эми британиялыктар менен эч кандай алакага барбайбыз”,- деди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

samat-91

2012-02-27 15:09:40

чисора оозуна суу жутуп анан владимирдин бетине чачып жиберди.кличколор бир кана британиялык боксчулар менен чыкса кооп акча таба алышат алардан башка олкодо кучтуу боксчулар жок.мисалы былтыр эле владимир кличко британиялык девид хей менен чыгып 20 млн долларга иштеди.ага чейин аз эле акча тапчуу экен деп.британиялыктар менен алакага барышпаса кооп акча таба алышпайт.бокс бул бизнес эмеспи.

applemac

2012-02-28 16:40:23

samat-91, ооба чисоранын ошол кылыгы жакпады, владимир бир муштаса жакшы болмок ошо негрди, виталийден мен да нокаут менен женишин кутком, бирок чисора ото выносливый экен, туруп берди 12раунд

maisal1919

2012-02-29 19:15:21

виталийдин шаштысын алдыго бечара виталий каарыдыда 40 жашында мушташып журот

Комментарий калтыруу үчүн өз ысымыңыз менен кириңиз же каттоодон өтүңүз.

№ 486, 24-февраль - 1-март, 2012-ж.