БЕТКЕ БЫРЫШ АДАМДЫН МҮНӨЗҮНӨ ЖАРАША ТҮШӨБҮ?
Адамдын жүзү күзгү сымал анын жашоо тажрыйбасын, эмоциясын, ал тургай потенциалдык мүмкүнчүлүгүн да чагылдырат. Кыскасы, ичте эмне болсо, сыртка ошол чагылат. Беттин жана дененин түзүлүшү жөнүндөгү окуу – физиогномика деп аталат. Биз бүгүн бырыштарга карап адамдын мүнөзүн аныктоону бермекчибиз.
КЫЗЫКТУУ
-
Элдик ишенимде кош бойлуу аялдын эрдинин үстүндө жана астында кыска бырыштар болсо, анда ал уул төрөйт делет. Андай бырыш жок болсо, кыз төрөлөт экен.
-
Конго өлкөсүндөгү индейлердин уруу башчылары өз жүзүн башка уруу жетекчилерине көрсөтпөй жашырууну адатка айлантышкан. Мунусу менен алар каршылаштарына мүнөзүн билдирбөөгө аракеттенишет.
1. Шайырлык. Мындай мүнөздөгү адамдар тууралуу белгини көздүн кычыгында жана ооздун бурчунда жайгашкан бырыштар берет.
2. Тартынчаактык, уялчаактык. Ооздун тегерегинде жайгашкан бырыштар дал ушундай мүнөздү айтып турат. Мындай адамдар жашоодо бары-жогунан коркуп, тартынчаак келишет. өзүн коргоп, кеңеш айтып, алдыга сүрөп туруучу адамдарга муктаж.
3. Өтө тактык. Бардык нерсенин майда-чүйдөсүнө чейин көңүл буруп, тактап турчу адамдарды көзүнүн тегерегине түшкөн бырыштардан улам билсек болот.
4. Чынчылдык жана ишенимдүүлүк. Бырыштар каштардын үстүндө, жаактын чет жактарында жайгашат.
5. Интеллектуалдык. Эки көздүн ортосундагы терең сызык ээсинин интеллектуалдык деңгээли жогору экендигин белгилейт. Мындай сызык уялчаактарда жана “мендеги маселелердин чечилиши кыйын го” деп дайым санааркап жүргөн, өз мүмкүнчүлүгүнө ишенбеген адамдарда да жолугат.
6. Көрөгөчтүк жана кең пейилдик. Мындай мүнөзгө ээ адамдардын чекесинде үзүлбөй узунунан кеткен бырыштар болот. Эгер мындай бырыштар майда узунунан кеткен бырыштардан куралса, анда ээси ишти аягына чейин бүтүрүүгө жөндөмсүз жана ушакка жакын адам.
7. Иренжүү, көңүл калуучулук, кыйкымчылдык. Сүрөттөгүдөй бырыштар алгачкы убакта ээси бир нерседен иренжигенде көрүнүп, кайра жоголо калат. Бирок убакыттын өтүшү менен даана байкалып, беттен туруктуу орун алат.
8. Кейикчил, санаачылдык. Бир караганда адамдын жүзү бырыштуу көрүнгөнсүйт. Каштын үстүндө бурчу чыккан (бурчтуу), ал эми чекеде кыска бырыштар жаралат.
9. Агрессивдүүлүк, кыжырдуулук, ачуулуу мүнөз. Көбүнчө ачуулуу жүрүп, адамдар менен мамиле жасаганда агрессивдүүлүктү көрсөткөн адамдардын чекесинде бурчу чыккан бырыштар пайда болот. Ошондой эле мындай мүнөздөгү адамдарда көздүн жана ооздун тегерегинде ылдый көздөй кеткен майда бырыштар басымдуулук кылат.
10. Таң калуучулук. Бары-жогуна таң калып басып жүргөн адамдардын көздөрүнүн үстүн кыска майда бырыштар басат.
11. Кайдигерлик. Баарына кайдигер караган адамдардын жаактарынын булчуңдары алсыз болот да, жаагында жана ооз-мурунунун ортосуна бырыш түшүп кетет. Мындай бырыштар жалкоолуктун да белгиси.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (16)
бетинде бир да бырышы жоктор кандай болот анда :)
эч кандай мунозго ээ эмес болот ))
vaaapwe tuura emes! byrywtar ozunu jawagan jerine da bailanywtuu bolot! owondoi ele densoolukka da bailanywtuu! kelesooooolor dese uwunu kim jazdy eken
hstkind, мынча ачууландын,ашыкча бырыш тушуп кетет деп коркпойсунбу:))!? Ансыз деле чекенде бырыш коп экен.
RIO, ХЕ-ХЕ-ХЕ туптураа айтып коюпсун!
RIO, iwin bolbosun ! menin betimde da chekemde da byrysh jok!
daana tuuraa kelbeit keltirilgen misaldat
bul byryshtar karygan saiyn oz ordun tabat go, misaly jashtardyn kobyndo dele taba berbeisin...:)
мунунарга ишенбедим кандай муноз озу
Эгер адамдын бетиндеги бырыш, адамдын кыялына жараша болсо, анда менде туз жер болбошу керек болчу.
Jondon jon ele jaza berishmek bele, bul jon gana primerno keltirilgen misaladar da aga emne ancha achuulanip, degi bizdin Kyrgyzstandagy adamdar emne mincha agresivniy?
bul misaldar meni anchalyk kanaattandyrgan jok!
Negizi byrysh paida bolgonun sebebi. Terinin sostavynda 95% suudan turat, jash otkon saiyn bet kurgap,suunun % azaiyp byryshka ailyanat. Jashdarda byrysh dele jok,chandale keziktirbese,oshondukdan adamdy munozdop bere albait dep esepteim.........
Туууй ата меникинин жарымы
туура чыгып калдыго ыяа.
менин куйоом болсо аябай агрессивный,анан коп ачууланат,бирок бетинде бир да бырышы жок.
мен ишенбейм беттеги бырыш адамдын кандай экенин далилдесе анда менин мунозум окшошпой калды.
