«ПАРА АЛГАНДЫ ЭЛЕ ЭМЕС, БЕРГЕНДИ ДА ЖООПКО ТАРТЫШ КЕРЕК»

“Пара алган” деп айыпталып, 2012-жылдын февраль айында кылмыш иши козголгон Саламаттыкты сактоо министринин орун басары Оморбай Нарбековдун ден соолугу начар. Ошондуктан эч кандай көрсөтмө бере албайт. Бул тууралуу Жогорку Кеңештеги отурумда башкы прокурордун орун басары Нурлан Жээналиев билдирди. Эске салсак, У.А. аттуу жаран анын үстүнөн арыз жазып, бул боюнча чара көрүү тууралуу кайрылган. Арызда Нарбеков аталган адамды Ысык-Көлдөгү стоматологиялык ооруканага башкы врач кылып дайындоо үчүн 4000 доллар акча алып, бирок бул ишти аткара албай калган. Акчанын 2300 долларын кайра ээсине кайтарып берген.
Депутат Исмаил Исаков пара берген жаранды да кылмыш жообуна тартуу керектигин белгиледи. “Биз азыр "пара алды" деп Нарбековду гана каралап жатабыз. Бирок кызматты пара берип сатып алууну көздөгөн жаран да жоопко тартылышы керек. Нарбековдун жаш курагын, жасаган эмгегин эске алган жокпуз. Үч күн бою телекөрсөтүүдөн байма-бай берип жатып, анын ден соолугуна залакасы тийди. Натыйжада, ал оор абалда ооруканада жатат”,- деди.
ЖКнын тиешелүү комитети бул кылмыш иши боюнча тергөө аяктаганга чейин кийлигишпей туруу чечимин кабыл алды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Sahalin

2012-03-12 12:20:43

денсоолугу начар болсо эмне экен. Акчаны алып жатканда денсоолугу соп-соонун, анан жоопко келгенде эле ооруп калганын тим эле. Алганы чын болсо, алганды да, бергенди да соттош керек. Бирок бергенди да дейин десен, анда студенттердин 90%, айдоочулардын 99% соттолот.

aigulai

2012-03-12 14:59:29

Пара деген нерсе накта балекет болду го.

ussofa

2012-03-13 15:19:37

ойлонбой иш кылсан оорубай олосун!!

solnyshko

2012-03-14 14:18:53

эхх бирок жаман кылып атышат пара менен кармашып баарын,кээ бирлерин атайын"подстава" кылып атышат окшойт...ордуна башка бироолорду коюп

Asul

2012-03-14 17:36:39

Азыр бир жумушунду бутуруш учун же таанышын болуш керек, же болбосо, чонтогун калын болуш керек. Таанышын жок, акчан жок болсо акырын эле оло бер. Туура кылышат, "бергенин да, алганын да жоопко тартыш керек".

Комментарий калтыруу үчүн өз ысымыңыз менен кириңиз же каттоодон өтүңүз.

№ 488, 9-март - 15-март, 2012-ж.