ӨРТТӨНҮП БАРАМ, ӨРТТӨНҮП...
Көктөм жыты келе албай убара жергебизге. Менин жан дүйнөмө да жаз келбей, буулуктум. Мындан эки ай мурунку кубанычым калп беле? Башымда ак калпак, колумда көтөргөн гүлдестем менен кайын журттун эшигин аттадым. Кыргызбыз да, бир укмуш шаан-шөкөт менен коңшу айылдан ата-энемди келиндүү кылып сүйүнттүм. “Барып тааныш, жакшы кыз. Анын үстүнө кошуна эле айылдан, алыс барбайбыз” деп калышпадыбы ата-энем. Көздөрү жоодураган кызды көрүп арбалдымбы, аядымбы, айтор, үйлөнүп алдым. Жашообуз жакшы азыр. Бирок бүгүн уккан жаңылыгым жанымды жер тарттырды.
Бирге окуп, бирге далай “разборкаларды” чечкен досума менден кийин үйлөнүү эстафетасы өткөн эле. Балдар менен Мараттын тоюна камылга көрүп, бир жерде отурганбыз. “Кайсы жердин сулуусун аяш кылганы жатасың бизге?” дедим. “Сен аны тааныйсың” дегенде деңгирей түштүм. “Демек, чын экен, акыры айтканыңды аткарыпсың” деген сөздү ичимден миң кайталап, унчукпай отурдум.
Мен бул сөздү Маратка эмес, ошол кызга айтып жатам. Анткени Марат менен тааныштырганда “кареги курч экен” дегенде кызгангам, бирок өжөрлүгүңө салып минтериңди билбептирмин. Мен шашылдым, “тагдыр жолубуз бир болбойт” дегенге ишендим. “Алыстан дейсиң, орундуу жерде иштеген, акылдуу дейсиң, бизге андайдын кереги жок. Эртең эле “өзүм билем, өтүгүмдү төргө илем” деп чыгат аның” деген апамдын сөзүнө маани берген элем. Эми өкүнгөндө эмне чыгат дечи, ошентсе да бул мага оор тийди. Анысы аз келгенсип, Мараттын “мен билем, экөөң эки башка өлкөдө турдуңар. Жолукканыңарда дайыма жаныңарда болдум, сенден ага болгон сыйды гана көрдүм, сүйүүнү эмес. Мен сага башында айткам, “башымды аттадың, далыма канжар урдуң” дегенге сенин акың жок, досум. Анткени колдо турган кушту мен тарапка карай учурган өзүңсүң, эми өкүнбө. Кааласаң, тоюма келбей эле кой” деген өкүм чыккан сөзү өзөгүмдү өрттөп жиберди.
Эмне деймин, Мээрим, бактылуу бол! Бирок сенин досумдун жанында ак көйнөкчөн турганыңды, мага аяш болгонуңду көрүп кантер экем? Алгачкы махабатымды кантип унутар экем? Өкүнүчтөн өрттөнүп барам, өрттөнүп...
Нурлан
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (19)
emnesi tuwunuksuz?... maga tuwunuktuu elego
Озун куноолуусун! Эми биринчи махабатынды унутуп жаша! Баардыгы жакшы болот!
tushunuktuu ele,kiska- nuska degendey....
Буйруган алат, жугурган калат.
Башка кызды суйсон да, аялына уйлондун, аялынды бактылуу кылганга аракет жаса, чыныгы эркек болсон, мындай жашоодо коп кездешет, анын баары жигиттер озунордун колунар м-н жасай ала турган турмуш
Men da tusungon jokmun, basinda apasi maktap usul kizga uylon dep jatkan anan ayaginda karsi bolgon dep jazyptur.Kayra kayra okudum tusuno albay koidum men dagi.
азыркы алганыңыз менен бактылуу болушуңузду тылейым!
ии байкуш....колдо бар алтындын баркын тушунбойт деген болгон турбайбы...эми экоонор тен бактылуу болгула..
балалуу болгондо унуткансып каласын,бирок толук унута албайсын.менин да башыман откон мындай окуя.Озунду эркин сез алардын алдында.
dosuna tiygende ele jyrgap ketmek bele kozunon kogu ketpeyt da al kelindin ,sen orttonboy kokurogundu kotorup jur dosun ele shyldyn bolgondoi menden kalgan katyn da dep,..baary jakshy bolot
Башка нени куттунуз эле?Же сиздин оюнуз б'ча ал сиздин кайты5 келишинизди кутушу керек беле?Мен сизди эмес,ал кызды аяп жатам,Тан калтырганы,ал кыз сизди суйгон у'н досунузга чыгып жатабы же кайдыгерликтенби?
Тушунуксуз болуп калган бирда тушунбодум
Вааще тушунбодум. Озу да тушунбой эле жазып койгон окшойт!
