ЕВРО-2012: Голландия.
ГОЛЛАНДИЯ
Ассоциациясы түптөлгөн жыл – 1889.
Башкы машыктыруучусу – Берт ван Марвейк.
Капитаны – Рафаэль ван дер Ваарт.
Мыкты бомбардири – Рекордчу: П.Клюйверт (40), азыркылардан Р. ван Нистелрой (35).
Эң көп оюн өткөргөн – Рекордчу: Эдвин ван дер Сар (130), азыркылардан Рафаэль ван дер Ваарт (93).
Эң ири жеңиши – 11:0 эсебинде Сан-Маринону (2011-жыл, 2-сентябрь).
Эң ири жеңилүүсү – 12:2 эсебинде Англиядан (1907-жыл, 21-декабрь).
Жетишкендиги – «ЕВРО-1988дин» чемпиону жана 4 жолку коло медалчысы (1976, 1992, 2000, 2004)
ФИФАнын рейтингинде 2-орунда турат.
УЧАР ГОЛЛАНДДАР
Голландия футболчуларды «экспорттоо» боюнча Европада алдыңкы өлкөлөрдүн бирине кирет. Ал континенттеги элиталык курама командалардын катарын 40 жылдан бери толуктап келет. Антсе да алардын мактанарлык жеңиштери аз. Курама команданын музейинде азырынча «ЕВРО-1988дин» алтын медалы жана 3 мундиалдын (1974, 1978, 2010) күмүш медалдары бар. Тарыхта «Кызгылт түстүүлөрдүн» намысын талашып келген Йохан Круифф, Франк Райкаард, Руд Гуллит, Марк ван Бастен сыяктуу айтылуу футболчулар бар. Кезинде алардын суктандырарлык оюндарынан улам коомчулук аларды «учар голланддар» деп атап коюшкан. Бирок Голландия таланттарга бай болгону менен, башкы машыктыруучу жагынан жолдуу эмес. Улам чоң мелдеш сайын алмашкан башкы машыктыруучу азыркы күнгө чейин курамдын ийгилик жаратуусуна кедерги тийгизип келет.
МАШЫКТЫРУУЧУ ӨЗ СӨЗҮН АЙТА АЛАБЫ?
Учурдагы башкы машыктыруучусу Берт ван Марвейк «өлүм» тайпасынан сестенип турса да: «Өз сөзүңдү айтуу үчүн жеңип чыгышың керек»,- дейт. Алар күчтүү курам бар экенин «ЕВРО-2012нин» финалдык баскычына тандап алуу оюндарында бир да тең чыгуусуз жана жеңилүүсүз чыгуу менен көрсөтүштү. Мыкты команданын өкүлдөрү Европадагы эң беделдүү клубдардын курамында ойнойт. Айтсак, «көзүрлөрдөн» Робин ван Перси («Арсенал») менен Рафаэль ван дер Ваарт («Тоттенхэм») Англия Премьер-Лигасында, ал эми Арьен Роббен менен Клаас-Ян Хунтелар Германиянын Бундес Лигасында чаң салып жатат. Ал эми Африкадагы мундиалда мыкты оюнчулардын бири болгон Уэсли Снейдердин табында эместиги байкалууда. Ошентсе да алар «ЕВРО-2012нин» босогосун аттоого даяр. Алар акыркы жолу Англия курама командасын конокто утуп келишти (2:1 эсебинде). Бул мелдеште голландиялыктар Испания жана Германия сыяктуу эле чемпиондукка башкы талапкерлердин катарында.
Максат Кудайбердиев
sport@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (15)
бул группада абдан катуу таймаш жана кызуу оюн болот экен. Голландияга ийгилик
голландия кудай буйурса чемпион болот, аны учун акысы бар.!!! ГОЛЛАНДИЯ ЧЕМПИОН.!!!!!
Baha.kg, КЫРГЫЗСТАН ЧЕМПИОН!!!
bekzha кулкуну келтирбечи
Голландия гомосектердин мамлекети чемпион эч качан боло албайт!!!!
Буйруса бул группада чоон таймаш болот менин оюмча бул группадан Голландар менен Бмв машинасы чыгатко финалда ушул эки команда беттешет оюмча
эй туугандар,неге Испанияны унутасынар?
Финалда да,чемпион да "кыялкечтер"болот.
Тууган туура айтас Испандарда кучтуу менин оюмча Испандар 1/2 финалда Голландарга же Немистерге уткузуп коётко дейм
Бул жылы Германия чемпион болот Испандар болсо ала албай калды
Бул группадан Германия эле чемпион боло алат! Роналдо менен Ван Персинин колунан эч нерсе келбейт го, себеби футбол командалык оюн!
Bekjangold андай эмес Роналдонун колунан эчнерсе келбеши мумкун бирок Ван Перси бул Ван Перси мына себеби Германия чемпимонатында Роббен жана Хунтелардын чоон пайдасы тийип жатат Немицтер откондо Француздарга уткузуп койгон
