Сүйүнүчтүү кабар! 25-март күнү «Тамашоу» курама командасы Астанадагы Казакстан Жогорку Лигасына катышып, позитивдүү эмоция менен кайтып келишти. Александр Масляков (кичүүсү) алып барган бул оюнда «тамашоучулар» мыкты экенин далилдеп, сезонго татыктуу жолдомо алышты. КВНдин редактору Михаил Гуликов «Кыргызстандан биринчи жолу ушундай күчтүү команданы көрүп жатам» дептир. Эрмектин айтымында, жигиттер Астананы «жарып», Өзбекстан, Орусия, Казакстандын күчтүү командаларын сестентишти.
Мекендештерибизге чемпиондук дух каалайбыз!