МАРКУМДУН РУХУ КЫЙНАЛЫП ЖАТСА КЕРЕК

Гезитибиздин 489-санында Микаэлдин өлүмүнө байланыштуу кылмыш иши жарга такалгандыгын, «ырчы жигитти өлтүрдү» деген шек менен кармалган Эркин Турусбековдун акталгандыгын кабарлаганбыз. Микаэлдин бир тууган эжеси, маркумдун өлүмүнө байланыштуу ишке жабырлануучу катары катышып жаткан Аида Аземованын комментарийин да берген элек. Ал Эркин Турусбеков тууралуу “колунда акчасы болгон үчүн акталып кетти...” деп комментарий берген. Гезит жарык көргөн соң Эркин Турусбековдун апасы келди кеңсебизге, “колуңарда Эркиндин же анын жакындарынын сотко, укук коргоо органдарынын өкүлдөрүнө акча бергенин тастыктаган документ барбы?” деп. “Ооба, биздин колубузда андай документ жок. Андай документ Аида Аземованын деле колунда жок болсо керек. Ал үчүн кечирим сурайбыз. Окурман журтчулугуна муну гезит аркылуу кабарлайбыз” деп келишип, узаттык. Сот аркылуу акталып чыккан Эркин Турусбековдун аброюна шек келтирүүнү максат кылбагандыгыбызды расмий түрдө билдирип коюну чечтик. Деги ушул Микаэлдин өлүмүнө байланыштуу “соттошом” деп кеңсеге келгендерден чарчадык, чын айтабыз, чарчадык! Каза тапкан адамды ойлоп тирүүлөр ыйлай берсе, маркумдун руху, арбагы кыйналат дейт. Бул ишеним, бул түшүнүк кыргыз элинде илгертеден жашап келет. Маркум тууралуу өйдө-ылдый кептер айтыла берсе да арбагы кыйналса керек. Андыктан кайра-кайра бул темага кайрылууга мажбур болуп жаткандыгыбыз үчүн Микаэлдин арбагынан, маркум ырчы жигиттин жакындарынан кечирим сурайбыз.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

adilet_3234

2012-04-04 20:23:49

ооба, эн туура

kaniet

2012-04-05 01:33:21

"Деги ушул Микаэлдин өлүмүнө байланыштуу “соттошом” деп кеңсеге келгендерден чарчадык, чын айтабыз, чарчадык!" ушул создорду башкачараак жазсанар болмок, бир аз одонороок болуп калыптыр,сиздер чарчабаныздар, себеби элдик гезитсинер, эл силерге ишенет, силерден актыкты, тактыкты, жаратмандыкты, чыгармачылыкты кутот, чарчабагыла! Эгер туура эмес жазган болсом, капа этпегиле, бул менин жеке оюм!

Baktygulya

2012-04-06 00:50:20

kaniet, согласна...чарчашса иштоонун кереги жок...

nukuntai

2012-04-08 06:29:03

degi akyikat kaida kaldy dakazat etesinerbi dep kelgenin kara

kany.

2012-04-08 11:17:07

чындыгында бутпой койду да мына 2 жылдан ашып бара жатат ким куноолу болсо кудай жазасын берет, аа супер инфо сен эч качан чарчаба.

Комментарий калтыруу үчүн өз ысымыңыз менен кириңиз же каттоодон өтүңүз.

№ 491, 30-март - 5-апрель, 2012-ж.