АЙЛА ЖОКТУН ИШИ ЖЕ СҮЙҮНЧҮГӨ САМЫН БЕРМЕЙ

Талас районунун Көк-Кашат айылынан Алия деген окурманыбыз кайрылып, жөлөк пул менен ымыркай төрөлгөндө мамлекет тарабынан берилчү сүйүнчүнү самын-айна менен алып жатышкандыгын айткан эле. “Жөн бергени курусун, товарлары базардагы баадан бир топ өйдө, бизнеске айлантып алышты. Товар албайм, акчасын алам десең, урушуп туруп берип салышат. Тиешелүү мекемелерге кайрылып, жооп алып бериңиздерчи”,- деп суранган.
Биз Талас райондук социалдык өнүктүрүү башкармалыгынын жетекчиси Талантбек Илебаевге кайрылсак: “Бизге эч кандай арыз түшкөн эмес. Биз самынды ар бир адамдын макулдугу менен гана сатабыз”,- деди.
Анын жообуна бир чети таң калып, "Кыргыз почтасынын" Талас райондук башкарма бөлүмүнүн башчысы Нурсултан Дүйшөнбиевге ушул эле суроону бергенибизде: “Кыргыз почтасына" эч кандай каражат бөлүнүп берилбейт. Ошол себептен жөлөк пул, сүйүнчү алган адамдарга кир жуучу каражаттарды 10 сом болсо, 13 сомго сатып, өзүбүзгө айлык чыгарабыз. Биз эч кимди мажбурлабайбыз, алган кишинин макулдугу менен гана бере алабыз”,- деген жооп алдык.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

monchok

2012-04-09 11:35:57

мына сага

RossiKG

2012-04-09 12:13:08

Мамлекет акча бериш керек ар бир торолгон ымыракайга, буткул дуйнодо адам баласы торолгондо мамлекеттен жардам катары акча берилет, жаш уй блоого кичине болсо да жардам кылат, мисалы кошуна Казахстанда бала торолгондо 30000тенге (бизче -8мин сомдой) анан 1 толук жашка чыккыча ай сайын 8000тенгеден берип турат. Албетте аларда нефть чыгып-бай жашаган олко, бирок ошондо да, биздин олко башчылары кичне болсо да акча менен жаш уй буллолорду камкордук корсо жакшы болот эле!

Suluushka

2012-04-10 16:32:59

Суйунчу пул толонот бекен Кыргызстанда? Биринчи жолу угуп жатам. Мага эч ким эч нерсе тологон жок биз наристелуу болгондо. Тескерисинче биз бердик суйунчусун врачтарга :)

jalalabad

2012-04-13 00:25:31

биздин чондор жесе да жебедим дейт, Жалалабатта алсанар ушу албасанар тыйын болгондо аласын дейт еле азыр билбейм кандай? Суйунчу пул бар ага чуркап андан коп убактын, акчан кетет барсан очерет, андан коро иштеш керек !!!!!!!!

Bektur92

2012-04-15 13:30:25

андан коро кудайга шугур де да оз арабанды озун тарт КЫРГЫЗ!!!

ruslan1969

2012-04-15 17:46:32

Акаевдин убагында да ушинтип эскирген чайларды пенсияга тараткан азыр да ошол афераны колдонуп жатышат мунун баары ак уйдон башталат качан тойгондо калп эле текшеримиш болуп эки кишини жумуштан мына кыйраттык деп коюшат.

Комментарий калтыруу үчүн өз ысымыңыз менен кириңиз же каттоодон өтүңүз.

№ 492, 6-апрель- 12-апрель, 2012-ж.