ЖОЛ КЫРСЫГЫНАН 8 КИШИ КАЗА БОЛДУ

Жалал-Абад

13-апрелде саат 16:00дөрдө Жалал-Абад облусунун Токтогул районундагы Кара-Тектир айылынын жанында 44 жаштагы О.Ж. башкарып келе жаткан DАF үлгүсүндөгү жүк ташуучу унаа менен Хонда унаасы кагышып кеткен. ИИМдин маалымат кызматынын билдиришинче, кырсыктын кесепетинен 8 киши каза болгон, алардын арасында балдар да бар. 3 киши жабыркап (арасында бир айлык наристе да бар), Токтогул райондук аймактык ооруканасына жеткирилген. Каза болгондордун баары Хонданын жүргүнчүлөрү.
Алдын ала маалыматтарга караганда, автоунаанын бири каршы тилкеге чыгып кеткен. Бул факт боюнча Токтогул РИИБинин тергөө бөлүмү тарабынан Кылмыш жана жаза кодексинин 281-беренеси (транспорт каражаттарынын кыймыл жана пайдалануу коопсуздугунун эрежелерин бузуу) боюнча кылмыш иши козголуп, Жалал-Абад ОИИБинин тергөө бөлүмү иликтөөдө. Тиешелүү экспертизалар дайындалган.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

altyshka1992

2012-04-23 22:10:06

айий бул не деген шундук

BelkaBoB

2012-04-24 12:35:00

Кудай ар кандай жол менен өмурүздү алат... анан сактайм десе сактайт тура.. таң калганым бир айлык кыздын аман калганы да...

kanykeika01

2012-04-25 15:24:41

астагфир аллах, ал бир айлык эмес, уч айлык экен, бугун апам менен суйлошсом, апамдын синдисинин кайын журттары болуп кетет экен, батага баралбадым деп кейип кепчип отурган эле. анан супер инфого кирип окусан дегенинен даро эле кирдим,. Жаткан жери жайлуу болсун, Аллахым ар кандай боодо кырсыктан сакта жана дагы каза тапкандардын билип билбей кылган куноолорун кечирип бейишинден орун бере кор Аллахым!!

Venita

2012-04-27 23:46:47

Кырсык каш кабактын ортосунда деген ушу да, кудай сактасын, каза болгондордун жаткан жери жайлуу болсун.

Комментарий калтыруу үчүн өз ысымыңыз менен кириңиз же каттоодон өтүңүз.

№ 494, 20-апрель- 26-апрель, 2012-ж.