ЖАШООДОН «ТОЙГОН» ӨСПҮРҮМДӨР КАЧАН АЗАЯТ?

Ош шаарынын прокуратурасынын маалыматына ылайык, былтыркы жылы 18 жашка толо электердин арасында 3 суицид фактысы катталган. Милиция кызматкерлери текшерүү иштерин жүргүзүп, анын жыйынтыгында үч окуя боюнча кылмыш ишин козгоодон баш тартуу тууралуу чечим кабыл алынган. Бирок тергөөчүлөр тарабынан үч окуяда тең өмүрүнө кол салуунун себептерин аныктоо максатында мугалимдер, коңшулар, өспүрүмдөрдүн достору суракка алынган эмес. Быйылкы жылдын башынан бери шаарда суицид фактысы каттала элек болсо да, өспүрүмдөр арасында 16 ирет бул дүйнөдөн өз эрки менен кетүү аракети катталган. Анын 15и кыз, бирөө эркек. Прокуратура суицидге барган өспүрүмдөрдүн курагы 15-17 жаштагылар экенин баса белгилеп, ата-энелерди өткөөл курактагы балдарына көбүрөөк көңүл бурууга чакырат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

TolonturCN

2012-06-08 08:00:04

Өз жанын кыюуну алла да кечирбейт. бул жүрөктү ооруткан суук көрүнүш ушну менен токтосо экен.

Комментарий калтыруу үчүн өз ысымыңыз менен кириңиз же каттоодон өтүңүз.

№ 500, 1-июнь-7-июнь, 2012-ж.