БИР БҮРКҮМ КАБАРЛАР...

АКСЫДА ЦЕМЕНТ ЗАВОДУ КУРУЛАТ...

Түркия Кыргызстанга 106 МИЛЛИОН ДОЛЛАР өлчөмүндө жеңилдетилген насыя берет.
“МАНАС” аэропортунда каалоочулар үчүн дароо 2-кабатка алып барган эстакада ачылды.
“Курманбек” ЖЧКсы менен Кытайдын “Чжун Шен” компаниясы Аксы районунда ЦЕМЕНТ ЗАВОДУН куруу боюнча макулдашууга кол коюшту. Ага 75 миллион доллар бөлүнүп, 2013-жылы завод ишке кирмекчи.
“Орусия Курманбек Бакиевди сатып алгандыктан, америкалыктарды “Манастан” кууп чыкмак болушкан” деген АКШнын Орусиядагы элчиси МАЙКЛ МАКФОЛДУ Кыргызстандын Башкы прокуратурасы түшүндүрмө берүүсүн сурап, текшерүү иштерин баштады.
Саламаттыкты сактоо министрлиги өлкөдө жыл сайын 120-160 ТОННА сапатсыз азык-түлүк конфискацияланарын кабарлады.
Кыргызстан Казакстанга саатына 1 киловаттык электр энергияны 2,8 ЦЕНТТЕН (1 сом 30 тыйындын тегереги) сатып жатат. Саатына 2,3 миллиард кВт экспорттоо каралууда.
"Өлкөдө ар бир бешинчи жаш бала курсагы жетиштүү тойбогондон улам көз жумууда",- деп "Жаш балдар укугун коргоочулар лигасынын" башчысы НАЗГҮЛ ТУРДУБЕКОВА билдирди.
Экс-депутат АЛИШЕР САБИРОВ эл өкүлдөрү Айнуру Алтыбаева менен Жылдыз Жолдошеваны ушак айтууну токтотушпаса, сотко берерин айтты.
Акыйкатчы ТУРСУНБЕК АКУН соңку беш жылдын ичинде алгачкы ирет эмгек өргүүгө чыгып, эс алуусун “Көгүлтүр Ысык-Көл” пансионатында өткөрүүдө.
Жыл сайын 30 МИҢ АДАМ кесиптик-техникалык окуу жайын аякташат. Акыркы беш жылда кыска мөөнөттүү билим алгандардын саны үч эсеге жогорулаган.
Коңшу Казакстандын тышкы карызы 123 МИЛЛИАРД 800 МИЛЛИОН ДОЛЛАРДЫ түзөт. Калкынын саны 16 миллион 680 миң адамдын тегерегин түзгөндүктөн, ар бир жарандын башына орточо 7400 доллар карыз туш келет. Ал эми Кыргызстандын тышкы карызын ар бир башка бөлсө, 509 доллардын тегерегинде болот.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

Nara_zi

2012-06-14 15:10:32

Owondo orto4o esep m.n bizdin kalktyn sany 5 000 000 bolso,ar bir adamga 509 dollardan eseptegende,2 545 000 000 dollar bolup kalaby?????????

Nara_zi

2012-06-14 15:14:25

Al emi Turkiyadan 106 mln.dollar dagy alywsa, Kudai berdi dep jyrgawat eken da biyliktegiler. Owol berilgen ak4any elibizge,jeribizge jumwasa degen niettemin.

bekzat07

2012-06-15 12:09:04

Кыргызымдын Ак-Калпагындай бийик бололу.

NARYNGRAD

2012-06-17 13:12:26

500 dollardan chogultup berip koiboilubu, Kyrgyzsrandy karyzdan kutultaly, kandai deisiner tuugandar?

Комментарий калтыруу үчүн өз ысымыңыз менен кириңиз же каттоодон өтүңүз.

№ 501, 8-июнь-14-июнь, 2012-ж.