КӨЛДӨ СЕЗОН БАШТАЛДЫ!

Каракол

16-июнь күнү Караколдо салтанаттуу түрдө быйылкы сезондун ачылышы болду. Бул күнгө атайын даярдыктар көрүлүп, саат 8:30дан баштап эле шаңдуу музыка жаңырып, көлдүн ачылышын күткөндөрдүн көпчүлүгүн жаштар түздү. Ачылыш салтанатында КРнын Гимни жаңырып, Каракол шаарынын мэри Өмүрканов Ишенбек Имангазиевич жалпы Көл аймагынын элине мыкты эс алуу каалады. Башка жылдардан айырмаланып, быйылкы эс алуу сезонунун ачылышы Каракол шаарынын мэри, шаардык дене-тарбия жана спорт бөлүмү тарабынан уюшулган спорттун беш түрү (футбол, волейбол, кол күрөш, гира көтөрүү, аркан тартыш) боюнча оюндар болуп, көпчүлүктүн кызыгуусун жаратты. Мисал катары карасак, футбол боюнча 1-орунга 2500 сом, 2-орунга 1500, ал эми 3-орунга 1000 сом өлчөмүндөгү акчалай байгеге ээ болушту. “Биздин максат – бардык Караколдун тургундарын спорт чөйрөсүнө тартуу” деп билдирет Каракол шаардык дене-тарбия жана спорт бөлүмүнүн башчысы Улан Кыдыров.

Айзат Анарбекова
karakol@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

men_aman

2012-06-25 22:42:01

Кыйратыпсынар!!!!

2012-06-28 23:12:46

эмне деп атасын аман мээн ордундабы

Комментарий калтыруу үчүн өз ысымыңыз менен кириңиз же каттоодон өтүңүз.

№ 503, 22-июнь-28-июнь, 2012-ж.