БАШКАЛАР «АТА МЕКЕНДЕН» ҮЛГҮ АЛЫШСА...

Партиялашы кармалганда “Ата Журт” менен “Республикадан” айырмаланып, “ата мекенчилер” аптыга чуркап Башкы прокуратурага жетип барышпады. Бул окуя коалициялык өкмөткө кирген “Ата Мекен” үчүн кандайдыр бир деңгээлде сокку болду. Бирок алар өз позициясын эмоцияга алдырбай тактап, таразалап, калыс чечим чыгарууга жетише алышты.
Ооба, көпчүлүк “Ата Мекен” партиялашын коргоп чыгат” деп ойлогон. Анткени көрбөдүкпү, бир депутатка же министрге кылмыш иши козголсо, кесиптештери жөн карап турушпасын. “Миллиондорду жутуп койгон” деп Исхак Пирматовго айып тагылганда эмне болгону эсиңизде бардыр. “Республикачылар” түп көтөрүлө дүрбөлөң салып, кесиптешин эптеп аман алып калышкан. Уулуу көмүр боюнча кылмыш иши жабышканда Шадиевге да ушундай реакция жардам берген. Аны коё туралы, кечээ Түлеев кармалганда Ташиев баш болгон “ата журтчулар” прокуратурага жулкунуп кирип барышып, “журтташын” жетелеп чыгып кетишпедиби. “Ата Мекен”, тескерисинче, өкмөткө кайрылып, Сабировду министрлик кызматтан алуусун өтүнүп, “анын күнөөлүү же таза экенин сот чечсин” деген тыянакка келди. Коомчулук буга "депутаттык да, фракциялык да бийик үлгү" деп баа берип жатканын айта кетели. Бул кадамды ЖКдагы калган төрт фракция үлгү кылып алса болор эле.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

Debi

2012-07-16 10:15:18

"депутаттык да, фракциялык да бийик үлгү" деген баага мен да үнүмдү кошом, жаран катары.

Sagy

2012-07-16 13:57:54

Эн таза партия Ата Мекен. Кызматтан да, байлыктан да буларга намыс бийик !

maksatskant

2012-07-16 22:57:36

Ата Мекен партиясы Пирматовдун ишин кайра корого демилге которушсо тура болот деп ойлойм. Мен Ата Мекенди колдойм .

miniusha

2012-07-17 10:37:46

Баарынарга кошулам,чын эле Ата Мекен учун намыс бийик,бир кумалак чириткени жаман болду да,бирок ушинтип оздору Равшандай болуп иргелип чыга беришет партиядан калпычы адамдар.

kumarbeka

2012-07-17 12:29:01

ким билет, калпеле таза корунуш учун, ошентип койдубу

-1

Kubanychbekkagan

2012-07-17 19:05:40

Кыргызстанда бир да таза партия жок! Тазамын дегендердин артында баягы Ак баранын коз жашында айтылгандай куйругунда калбыры бар болуп чыгат.

ajulya

2012-07-20 10:30:09

Кыргызстандагы эн улгулуу жана таза партия! Ак жол силерге Ата Мекенчилер!

Natsuz_kg

2012-07-22 05:11:37

Ата-мекен деп атын жакшы коюшканго бирок оздору атамекен учун иштешпейт булар

Atabaevtalantbek

2012-07-22 08:58:29

Бул болбогон соз да. Кыргызстанда ак иштеп эл учун кызмат кылган партия мындай эле турсун бир чиновник жок. Эмне силер дагын эле ушуларга ишенесинерби?
20-25 жылдан бери ак уйдо олтуруп ушул убакыттын ичинде эл учун пайдалуу иш жасаган кайсыл чиновник бар? Албетте жок.

ulutbek

2012-07-23 00:13:17

Жоктон коро жогору да Талантбек.Азырынча Текебаев эн таза саясатчы болуп эсептелинет.(озуно саясий упай топтоп жатат)

Комментарий калтыруу үчүн өз ысымыңыз менен кириңиз же каттоодон өтүңүз.

№ 506, 13-июль-19-июль, 2012-ж.