КОРРУПЦИЯГА КАРШЫ КҮРӨШ КҮЧӨДҮ

Башкы прокурор чындап коррупцияны түп-тамырынан бери жок кылам деп тырышып жатканынын жыйынтыгыбы, айтор, бул аптада дагы эки адам коррупцияга шектелип кармалды. Бул ирет Ысык-Көл облусунун губернаторунун орун басары "Ата Мекендик согуштун ардагерлерине бөлүнгөн акчаны өз кызыкчылыгына пайдаланган" деп шектелүүдө. ИИМдин билдиргенине караганда, бул жетекчи "2010-жылдын ноябрь айында кызмат абалынан пайдаланып, керектүү документтерди бурмалап, ардагерлерге бөлүнгөн
70 миң сомдон ашык каражатты кымырып алган" деп айыпталып жатат.
Ошондой эле Чүй облустук салык инспекциясынын кызматкери пара бергени үчүн кармалды. Кызматкер бир нече жыл жок ишкана- нын эле ээсинин атына жамынып жүргөн. Бул иш боюнча изилдөөлөр жүрүп жатканда кызматкер ишти токтотуу үчүн тиешелүү органдардын бирине пара берип жаткан жеринен кармалды. Учурда Кылмыш жана жаза кодексинин 314-беренеси менен кылмыш иши козголуп, тергөө иштери жүрүп жатат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Debi

2012-07-16 10:11:09

Азаматсыз Аида, ушундай Кыргызстан оңолот деген ушул

Kubanychbekkagan

2012-07-17 19:06:50

Курош катуу журуудо. Байкуш Аида эжебиздин омуруно кол салууну коздоп ургон акмактардан кудай сактаса экен.

Комментарий калтыруу үчүн өз ысымыңыз менен кириңиз же каттоодон өтүңүз.

№ 506, 13-июль-19-июль, 2012-ж.