МОНГОЛДОР БИЗГЕ «СЕКРЕТТЕРИ» МЕНЕН БӨЛҮШҮҮГӨ ДАЯР

Кыргызстандын экс-президенти Роза Отунбаева 7-12-июль күндөрү Монголияда болуп, “Лидерлик боюнча эл аралык аялдар форумуна” жана "Демократия" коомчулугунун жетекчилер кеңешине катышты. Форумда Роза Отунбаева Кыргызстандагы мамлекеттик орунду ээлеп турган аялдар туурлалуу кеп кылды. Белгилей кетсек, аталган форумга АКШнын мамкатчысы Хиллари Клинтон, Канаданын экс-премьери Ким Кэмпбелл жана башкалар катышышты. Ошондой эле Монголиянын президенти Цахиагийн Элбегдорж чет элдик журналисттер менен маалымат жыйынын өткөрүп, кыргыздарга “секреттери” менен бөлүшкөнгө да жетишти.
“Биздин күчүбүз – эркиндик. Эгерде эл эркин болсо, жаңы өзгөрүүлөр орун алып, ишкердик да өсүп-өнүгөт. Мамлекет жаңы идеялардын ишке ашуусуна ыкташы керек. Андыктан менин милдетим – калкка кызмат кылуу жана алардын кызыкчылыктарын коргоо”,- деди Монголиянын мамлекет башчысы. Анын айтымында, Монголия Кыргызстанга өз тажрыйбасы менен бөлүшүүгө даяр.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 506, 13-июль-19-июль, 2012-ж.