КОРРУПЦИЯ МЕНЕН КҮРӨШӨБҮЗБҮ ЖЕ ЧИН БЕРЕБИЗБИ?

Мамлекеттик жогорку даражадагы чин-мартабаларды мамлекеттик жана муниципалдык кызматкерлерге берүү иштерин чечүүчү жана президентке сунуштоочу комиссия бар. Мына ошол комиссия тарабынан даярдалган кызык бир документ үстүбүздөгү аптада коомчулукка маалым болду. Аталган комиссия президент Алмазбек Атамбаевдин демилгеси менен түзүлүп, Президенттик аппарат башчысы Жантөрө Сатыбалдиев төрага болуп бекитилген. Курамында депутаттар да бар. Мына ошол комиссия бир нече мамлекеттик кызматкерге жана Жогорку Кеңештин 80 чакты депутатына генералдык наамга тете "Мамлекеттик кызматтын II жана III даражадагы мамлекеттик кеңешчиси" чиндерин берүү боюнча документ даярдап, президентке сунуштамакчы болуп жатыптыр.
Мамлекеттик кызматтагылар беш-алтоо экен, макул, алар тууралуу кийин сөз кылалы, бирок чин алмакчы болгон депутат акелердин тизмеси бизди таң калтырды. Баары жүрөт... Арасында Исхак Пирматов, Улан Чолпонбаев, Динара Исаева өңдүү ысымдар бар. Бакыйган орган болгон Башкы прокуратура “коррупциялык боз системдер аркылуу мамлекеттик казынага 258 миллион сом зыян келтирген” деп көзгө сайып айтып жатып да Исхак Пирматовду кылмыш жоопкерчилигине тартууга депутаттардан уруксат ала албады эле, эми ага генералга тете чин беребизби?
Ысымы кримавторитет Камчы Көлбаев менен тыгыз байланышта айтылуучу, Жогорку Кеңештин босогосун аттаганына 2 жыл болуп-боло элек Улан Чолпонбаев мамлекетке эмне кызмат өтөдү экен? Кыргызды канча миллиондогон сомдорго “сындырып” туруп качып кеткен Данияр Үсөновдун аялы Динара Исаева Кыргызстандын кайсы көйгөйлүү бурчун тиреди эле, ийини менен? Ушундан көрө канча жылдап маани-мазмундуу ырлары менен элдин жан дүйнөсүн байытып келген, мукам үнүн жалпы кыргыз сүйгөн Токтобүбү Черикчиева өңдүү таланттарыбызды баалап-барктап, сыйлык берип салбайбызбы, кандай дейсиздер, Ак үйдөгүлөр?

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

aote

2012-07-23 10:28:47

bul menen Prezidenttin bir plani bar,bul naamdar,chinder uchun alar Prezident uchun bir nerse kilip beret...men sizderge wokolad berem,sizder maga jan tartastar,dep jaw baldar oynoyt bele?

-1

Sagy

2012-07-23 13:11:22

Азаматтар! Колунардан келишинче озунорду озунор сыйлагыла - эл силерди баалабайт да. Ар биринер кааласанар маршал деген наам тагып алгыла. Кудай сактасын, эртен бир согуш чыкса дуйнолук коомчулук «Кыргыз маршалдары согуштан качты» деген макала жазып чыксын.

Debi

2012-07-23 14:21:13

Эң көп акча бергендер болуш керек. Уят иштебей калганда ушундай боло берет да.

Stalker-007

2012-07-23 14:42:36

Буларга чин бербей эле, буларга Наримандын жаныны бесплатную путевку да долгий отдых бериш керек

Stalker-007

2012-07-23 14:42:36

Буларга чин бербей эле, буларга Наримандын жаныны бесплатную путевку да долгий отдых бериш керек

Argymak

2012-07-24 13:00:08

Жее жее жее. Эртен балан анын баласы, эмне жеер екен. Кыргызымдын, кыраан жигиттерине, бергилечи бийликти. Кыргыз учун торолгом. Кыргыз учун, оломун дегендер барбы силердин аранарда озу.

aikoledi

2012-07-25 20:27:35

усоновдун аялын мамлекеттик кызматта емне кылып журот куйосунун ордуна жоопко таркыла аны

Комментарий калтыруу үчүн өз ысымыңыз менен кириңиз же каттоодон өтүңүз.

№ 507, 20-июль-26-июль, 2012-ж