СОГОНЧОК НЕГЕ ЖАРЫЛАТ?

Согончоктун жарылуусу – жазында же жайында болуучу абдан жагымсыз көрүнүш. Баскан сайын оорутуп эле тим болбостон, жайкысын ачык бут кийимдерди кийүүдө ыңгайсыздык жаратат. Ал тургай канап кетиши да ыктымал.

СОГОНЧОКТУН ЖАРЫЛУУ СЕБЕПТЕРИ

Нымдуулугу азайып, тамандын териси өзүнүн серпилгичтигин жоготсо.
Бөйрөк, калкан без оорулары менен ооруганда. Мында согончок жыл бою жарыла берет. Демек, сөзсүз дарыгерге барып көрүнүшүңүз керек.
Таман тери оорусуна дуушар болсо.
Семиздиктен улам (бут ашыкча салмакты көтөрө албай, согончок жарылат). Канчалык кам көрсөңүз деле натыйжасыз болушу ыктымал. Андыктан арыктоо зарылчылыгы келип чыгат.
Организмге А жана D витаминдери жетишпегенде.
Ысык аба ырайынын, ыңгайсыз бут кийимдин, чаңдын, көлдүн туздуу суусунун, кумдун таасиринен улам.

АЙЫКТЫРУУ ҮЧҮН...

Күнүгө көбүргөн самындуу ысык сууга бутту салып, 10 мүнөт кармаңыз. Андан соң таза чайкап, кремден сүртүп коюңуз.
Чийки картошканы же пиязды майда тиштүү сүргүчтөн өткөрүп, целлофандын бетине шыбайсыз. Аны таза жуулган согончогуңузга жаап, сыртынан бинт менен ороп, байлап коюңуз. Аз дегенде 2 сааттан кийин гана чечүү керек.
Жатарда капустанын жалбырагын жанчып, жумшартып алган соң согончокко жаап, сыртынан байпак кийип алыңыз. Байпакты эртеси эртең менен чечиңиз.
1 стакан сулу акшагын сууга ботко кылып бышырып, ага 2 аш кашык зайтун же жүгөрү майын аралаштырасыз да, аны целлофандын бетине сүйкөп, согончогуңузга жабасыз.
Сүргүчтөн өткөрүлгөн сабиз менен балды теңме-тең өлчөмдө аралаштырып, жарылган жерге жаап коюу кажет. Маска жатарда колдонулуп, эртең мененкиге чейин калтырылат.
Жарылган жерди помидордун ширеси менен сүртүүгө да болот.

Дамира Арстанова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

aitu94

2012-07-23 12:53:22

Jakwi kenewter raxmat

Датка кыз

2012-07-23 18:03:06

5 кенешти 3 жолу жасадым, согончогумда жылыш болуп жатат.

MaksCharbak85

2018-05-11 11:51:12

Датка кыз,кунуго жасап жатасызбы? Наски кийеби?

Jildizka

2012-07-23 18:37:53

Рахмат пайдалуу кенештерди жазганыныздарга.

nazymkul1995

2012-07-24 16:51:59

Көптөгөн кеңештерди бергендигиңиз үчүн ырахмат.

jan89

2012-07-26 01:01:29

Кенештериниз учун чон рахмат.

kanym24

2012-07-27 04:22:54

Жардам болбойт териси кургактарга

almasha

2012-07-27 14:03:09

Эн негизгиси жайы кышы дебей наски кийип журсо ошол дагы чон жардам... Барок, биринчи жардам бул тазалык...таза алып журсо согончок жарылбайт дагы кургабайт дагы

MA-GQ

2012-07-27 18:31:48

Аябагандаааай керектуу маалымат экен!

010288

2012-07-28 19:03:48

кенешиниздер мага пайда болду.чоон рахмат.

Sava87

2012-07-29 20:27:20

en jakwysy jelezka menen
kyryp juup jylkynyn maiy menen mailap koiso tez onolot

Комментарий калтыруу үчүн өз ысымыңыз менен кириңиз же каттоодон өтүңүз.

№ 507, 20-июль-26-июль, 2012-ж