Бардыгыбыз пендебиз, «жаңылбас жаак, мүдүрүлбөс туяк болбойт» дегендей, жаңылыштык баарыбыздан кетет. Бирок ошол бир жаңылыштык бүтүндөй бир өмүрдүн өксүгүнө айланып кетпегени оң. Ушундан улам Дамира аттуу айымдын баянын жарыялоону туура таптык.
«БАШЫМДАН ӨТКӨН ОКУЯ БАШКА КЫЗ-КЕЛИНДЕРГЕ САБАК БОЛСУН» – Тагдырымдан катуу жаңылдым. Окуяны мендей болуп ишенчээктигинен жабыркаган кыз-келиндер үчүн баяндап бергим келди. Мен 2008-жылы Кубанычбек аттуу адам менен “Интизар” кафесинен таанышып калгам. Кийин анын достору, менин курбуларым болуп, жакшы мамиледе болуп кеттик. Ал менин жумушума келип, жанымда ар нерселерди сүйлөп отура берчү. Мен ага “менин күзөтүмдө келбе, күйөөм бар, кызганат” десем, “ой, унутуп калган турбаймынбы” деп койчу. Бир жолу так күйөөм отурган убакта келип калып, акыры жолдошум кызгана баштады. Жолдошум экөөбүз ылайыктуу жер таап күркө ачсакпы деп жүргөнбүз. Кубанычбек ал кезде Аламүдүн Райондук кеңешинин депутаты эле. Ага “бир жерден ылайыктап күркө койгонго жер алып бербейсизби?” десем, “жердешим болгондон кийин жардамымды аямак белем?” деди. Мен сүйүнүп жолдошума айттым. Ага ишенип сураган акчаларын бердим. Анан күркөнү коюп иштете баштадык. Бир күнү жердин токтомун алып келип мага көрсөттү. Көрсө, аны өзүнүн наамына жаздырып алган экен. Себебин сурасам, “эми мен депутат болгондон кийин берди да. Карапайым адамдарга жер бериш кыйын, мен сага “крыша” болуп турам. Бир аз иштегенден кийин кайра өзүңө каттатып берем” деп калды. Ал ортодо жолдошум кызганып, “же күркөңдү иштет, же мени менен жаша!” деген талап койду. Мен болсо көп каражат коротуп ишти баштап алгандан кийин аны таштай алган жокмун. Экөөбүз акыры ажырашып тындык. Эки балам башында атасы менен кетишкен, кийин кайра өзүмө алдым.
«ҮЙ-БҮЛӨСҮ БАР ЭКЕНИН КЫРСЫК БОЛГОНДО БИЛДИМ» – Кубанычбек экөөбүздүн мамилебиз ысып, жашап калдык. Ал “мен да аялым менен ажырашып кеткем, Учкунда өзүнчө жашайм. Балдар үчүн эле кээде барып турам” дечү. Жакшы күндөр баштан өттү. Бир күнү эле аны машина коюп кетип, телефон чалып калышты. Мен угуп эле Бишкек шаардык 4-ооруканага жандандыруу бөлүмүнө алып бардым. Буту сынып, башына кан уюп калган экен. Жанында жүрсөм “сен кете бер, азыр аялым келет” деди. Ошондо гана алданып жүргөнүмдү, кимдин ролунда экенимди сездим. Бирок канчалык ыза болсом да, мен ошол учурда аны таштап кете алган жокмун. “Үй-бүлө деген чакан мамлекет. Барктуу ата боюнча кала бер, мен сенин үй-бүлөңдү буза албайм” десем, “сен экөөбүз баш кошобуз” деп туруп алды. Күркөнү кичине иштеткен соң бөйрөгүм ооруп ооруканага жатып, “иштетип тургула” деп иниме бердим. Өзүм иштебей калып карыздарым көбөйүп, ата-энемден алган акчаны кайтарып берейин деп банктан акча алуу үчүн үйдү күрөөгө койдум. Ошол кезде Кубанычбек машинасын күрөөгө коюп, карызга 1000 доллар берген эле. Банктын акчасын төлөй албай үйдү саттым да, ата-энемдин, банктын акчасынан, Кубанычбектин 1000 долларынан кутулуп, калганына шаардын четинен эки бөлмөлүү үй алдым. Кубанычбек күркөнү менин атыма каттатам деген сөзүнө турган жок. Аны иштетип жаткан иниме барып “кеткиле, бул жер меники” деген экен. Бизге айтпай өзүнүн наамына жазылган менин күркөмдөн баш тартып салыптыр. Ал кезде Кубанычбек Кыргызстан Улуттук электр тармагында иштей баштаган. Мага мурда “светтин акчасын төлөбөй эле кой, мен жаап коём” дечү. Ага ишенип жүрө берип, кийин 20 миңден ашуун акча төлөдүк. Ошого карабай эле мага келе берди. Кошуналарымдын көзүнчө жаман сөздөрдү айтып, тынчтык бербей баштаганынан акыры Свердлов РИИБине арыз да жаздым. Кубанычбектен кутулуш үчүн “башка бирөөгө турмушка чыкканы жатам” деп койдум. Ошондон кийин мага келгенин токтотту. Мен ушул адамдын азабынан үй-бүлөмдөн да, үйүмдөн да, акыры күркөмдөн да ажырадым. Баарын кеч түшүндүм. Бул жашоодо жалгыздыктан өткөн жаман нерсе жок экен. Убагында туура эмес кылганымды түшүнүп, жолдошумдан, ата-энемден, балдарымдан кечирим сурагым келет...
Ыйлаган эженин абалын түшүнсөк болот. Бирок аркандын экинчи учу да бар эмеспи. Андыктан маалыматтардын чын-төгүнүн билүү үчүн жогоруда аты аталган каарман – Кыргызстан Улуттук электр тармагынын диспетчердик жана технологиялык башкаруу каражаттарынын борбордук кызматынын башчысы Кубанычбек Сманкулов мырзага кайрылып, төмөнкүдөй жооп алдык:
«МЕНИ ЖОГОТКОНУ ҮЧҮН УШУНДАЙ КАДАМГА БАРЫП ЖАТАТ» – Дамира сиздерге көп туура эмес маалыматтарды айткан экен. Туура, экөөбүздүн ортобузда чындап эле мамиле болгон. Убагында жарандык никеде жашап жүрдүк. Бирок кийин ортодогу мамилени ал бузду. «Башка кишиге турмушка чыгам» дегенинен мен андан алыстагам. Аны түшүнүп жатам, жашоодо мени жоготкондуктан, ошол жоготууга чыдай албагандыктан ушундай жолго барып, мени жамандап жатат. Күркө тууралуу айта турган болсом, жер тилке гана менин наамыма жазылган. Бирок Дамира жер үчүн мага акча төлөгөнү жалган. Ал эми күркө Дамираныкы, мен аны эч кандай талашкан жокмун. Убагында ага көп жардамдарды бердим. Ортодогу мамиле үзүлгөн соң ага менден эмне керек, билбейм?.. Аялым бар экенин ал башында эле билчү. Азыр деле аялым, бала-чакам менен жакшынакай эле жашап жатам.
Эки маектешимди угуп көрүп, жалгыз чындык – ортолорунда болгон мамиле экенин түшүндүм. Күнүмдүк сезимге азгырылуу жогорудагыдай көптөгөн үй-бүлөнүн очогун өчүрөт. Бул окуяны окуп, жаштар турмуш чындыгынан сабак алышар...
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (68)
bektursun2010
2012-07-29 13:02:27
жакшы болбоптур.
0
Kyzdargan
2012-07-29 16:17:31
Акылы жок аялга аз болсун.Оз жарын жарытпаган ойношун жарытабы....Короору али алдыда.
+1
REAL7
2012-08-10 00:10:32
Бири-биринердин катанарды эле ондоп жатып калыпсынар да.Жанылбас жаак,мудурулбос туяк болбойт!Бир тамга калып кетсе деле акылдуулук кыла бербегиле да.Ал эми Дамира эже жонундо айтсам (уят)ойнош ойногондорго Аллах Таалам оз жазасын берсин.Бизге го баары бир озунун балдарына эле жаман болуптур.........
0
Meris
2012-08-22 15:47:45
akcha baylyk. altyn too - bal tilder- kud ay ele koldosun - ozbek baysa tam salat- kygyz baysakatyn alat.
0
Meris
2012-08-22 15:55:52
Erkekke ishengiche 2 bosogono ishen dep beker aytkan emes- eshe akchaluu erkekter kundo 1 kyz taap alat balaluu ejeke emes - suyup algan jubayn tatyktuu emes anan bashka balaluu kelinderdi jyrgatmak bele
+1
bakan
2012-09-12 10:12:43
фу кайпи кантет бул кишинин кантип жашадын ушул киши менен Дамира куйоонду балдарынды таштап корунуп эле турбайбы африс экени
+1
nura_kg
2012-10-12 12:42:38
shermende!!!!
+1
Aygul
2012-11-01 09:57:52
Аял акылдуу болсо ушундай нерсе болмок эмес. Уй-булоосун кечип, ойнош менен журуп, эмне керек? Жолдошунун айтканын кылса, баары жакшы болмок, каяктагы бир акмак ойношуна кызыкпай.
+1
Almaz008
2012-12-19 17:05:49
Саламатсынарбы супер инфо, мага Дамира эженин телефон номерин бере аласыздарбы?
-1
nadira89
2013-03-20 09:41:34
Вообще куйоосу бар 2 баласы бар аял кафеде башка бироолор менен таанышканы туура эме. Эмнеге куйоосу жок кафеге барат,макул таанышкандан кийин деле сразу ал кишини озунон алыстатып койсонуз болмок, куноо озунуздо экен,эми мындан ары бактылуу болушунузду гана каалайбыз, мумкун куйоонуз сизди кечирээр, аракет жасап корунуз.
+1
orhideya1188
2013-05-25 14:24:45
мне ее совсем не жалко,мало ей было,он иш болду,зато жизнь ей преподала хороший урок!
+1
orhideya1188
2013-05-25 14:27:14
ой,болгон иш болду,пусть думает и исправлятся,доверия она совсем не вызывает
+1
uluk-guzi
2013-09-12 10:48:41
кудай жазалаптыр Дамира эжени
0
munarxan
2013-09-19 07:57:48
Уялбай жазганын дагы шерменде.сендейлерге жер жузундо орун жок балдарын чындыкты билсе емне деп актанасын акмак !!!
0
sonka89.
2017-10-04 19:13:34
Жузундо жылдызы жок мынча жагымсыз адамдар.
+1
Комментарий калтыруу үчүн өз ысымыңыз менен кириңиз же каттоодон өтүңүз.
