ӨСПҮРҮМДҮН ӨЛҮМҮНӨ СЕБЕПКЕР АЙДООЧУ КАРМАЛДЫ

Сокулук районунун Ички иштер бөлүмүнүн жол кыймылынын коопсуздугу бөлүмүнүн кызматкерлери тарабынан жол кырсыгына күнөөлүү айдоочу кармалды. Ал эки өспүрүмдү сүзүп кетип, алардын бири каза болуп, дагы бирөө ооруканага жаткырылган. Бул тууралуу Чүй облустук Ички иштер башкы башкармалыгынын басма сөз кызматы билдирди.
19-июлда саат 16:00 чамасында Сокулук районунда белгисиз КамАЗ прицеби менен Маловодное айылындагы кыш заводуна баратып 15 жаштагы велосипедчен өспүрүмдү жана 10 жашар баланы коюп кеткен. Кырсыктын кесепетинен алган жаракаттан улам 15 жаштагы өспүрүм аймактык ооруканада жашоо менен кош айтышкан. Экинчи бала учурда ооруканада жатат.
Жол кырсыгынын күнөөкөрү окуя болгон жерден белгисиз багытка из жашырып кеткен эле. «Сокулук райондук ИИБинин жол кыймылынын коопсуздугу бөлүмүнүн кызматкерлери тарабынан изи сууй электе Ош облусунун Кара-Суу районунун 48 жаштагы тургуну колго түшүрүлдү»,- деп кабарлашты милиция кызматынан.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Kantemir

2012-08-01 23:39:41

Кайран омурлор.

Janymay

2012-08-03 09:41:44

Жаткан жери жайлуу болсун.
Кана эми, таба эмес тооба, мындан көп жаш балдардын өмүрүн кыйган биздин шаар башчыбыздын баласы акталып чыкты эле, бул айдоочуга кандай жаза болот экен? Менин баамымча, бул айдоочу жөнөкөй эле карапайым, кадимки эле ажалдуулардан экен. Демек, жазасын толугу менен алса керек. Адилеттүлүк болобу же...

Комментарий калтыруу үчүн өз ысымыңыз менен кириңиз же каттоодон өтүңүз.

№ 508, 27-июль-2-август, 2012-ж