ВИЗАСЫЗ КАТТАМГА ИРАН ИЛИНБЕЙ КАЛДЫ

Президент Алмазбек Атамбаев 44 мамлекеттин жарандарына Кыргызстанга визасыз келип, 60 күнгө чейин эркин жүрүү тартибин киргизген мыйзамга кол койду. Бул документ өкмөттүн туризм тармагын өнүктүрүүгө жана инвестиция тартуу аракетинде иштелип чыгып, Жогорку Кеңеш тарабынан бекитилген. 60 күндүк визасыз тартип менен Кыргызстанга бир жылдык ички дүң өндүрүмү киши башына 7000 доллардан ашкан өлкөлөр менен Евробиримдикке кирген мамлекеттин жарандары келе алышат.
Кызыгы, Кыргызстан менен тыгыз мамиледе иштешип жаткан Иран өлкөсү бул тизмеге кирбей калды. ТИМ муну өлкөнүн ички дүң өндүрүмүнө байланыштырып, бирок ынанымдуу жооп айта албады. Ал эми Иран тарап “эгер өлкөлөрдүн ички дүң өндүрүмүнө басым жасалган болсо, Индонезия (Кыргызстан менен Индонезиянын ортосунда дипломаттык жана кызматтык паспорту барлар үчүн визасыз режим киргизилген) же болбосо Босния жана Герцеговина өңдүү өлкөлөр кандайча бул тизмеге кирип, биз кирбей калганбыз?” деген суроону узатууда. Балким, бул АКШ менен Иран ортосундагы мамилеге барып такалып жүрбөсүн?..

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

BEKTUR AZHO

2012-07-30 14:58:13

Ошондой эле, биздин чондор шахматтагы пешкалардай да, оздору башкарбай, АКШ же Орусия тараптан башкарылат...

TolonturCN

2012-07-30 19:58:07

Эх, эгемендик деген кайсыл, өз чечими, өз эрки, өз күчү менен жүргүзгөн саясаты жок. өтө эле өкүнүчтүү. 44 мамлекеттин жараднары Кыргызстанга визасыз кирсе сякат, киреше, ички өндүрүштүн өндүрүү тездиги дегендей жакшы жактарын жылыштатат, бул жакшы башталыш. бирок ошону менен бирге ички сырткы коопсуздукту күчөйтүү керек, ар тараптуу ал

bamboo

2012-08-01 02:57:45

бектур мен сага кошулам

2012-08-04 17:27:15

Vizasyz kattamdyn paidasynan zyiany kop bolup kalyshy mumkun sebebi biz musulman mamleketbiz duinodo dinder arasynda chon sogush juruudo chet jaktan oz kyzykchylygy uchun kirishet kelechekte korobuz jyiyntygyn

Комментарий калтыруу үчүн өз ысымыңыз менен кириңиз же каттоодон өтүңүз.

№ 508, 27-июль-2-август, 2012-ж