ОРУСИЯ БАКИЕВдердин КАРЫЗЫН БАБАНОВдон ДООЛАДЫ

Орусияга биринчи расмий иш сапары менен барган Өмүрбек Бабановдон Дмитрий Медведев “чү” дегенде эле Бакиевдердин карызын доолады.

Дмитрий Медведев "жеке адамдардын эмес, мамлекеттин карызы" деп атаганына карабай “Бакиевдердин карызы” дегенден башкача атай албадык. Анткени Кыргызстандын Орусияга учурдагы карызы, Каржы министрлигинин билдирүүсү боюнча, 490 миллион долларды түзсө, анын 2009-жылы берилген 300 миллиону Бакиевдер менен кошо жоголгон. Ал миллиондорду пайдасына жумшабаган кыргыз жебеген самсага пул төлөп жатат. Ал эми 190 миллиону тээ Союз кезинен калган эски карыз. Орусия айрым өлкөлөрдүн буга окшогон Союздан калган миллиарддаган суммаларын кечип жиберген. Бизге келгенде андай кылгысы жок, анткени үлкөн өлкөнү кызыктырган "Дастан" заводу турат, Кыргызстанда.
Орусия өкмөт башчысы Дмитрий Медведев кыргыз тарап карызды төлөмөйүнчө эки өлкөнүн ортосундагы ири долбоорлор ордунан жылбай тургандыгын кыйытты. “Ооба, бул карыз учурдагы кыргыз бийлиги тарабынан чогула калган жок, бирок баары бир төлөнүшү керек”,- деди Орусия өкмөт башчысы. Алмазбек Атамбаевди дайыма жылуу кабыл алып, узатуучу Орусиянын бул жоругу көп суроолорду жаратты. Мындай жоругу менен расмий Москва Алмазбек Атамбаев менен Өмүрбек Бабановдун ортосуна жик түшүрүүнү максат кылып жатабы?
Бул күндөрү Кыргызстандын саясий талаасы да күрү-гүү түшүүдө. Негизги сөз өкмөт менен депутаттар тууралуу. Эл өкүлдөрү өкмөткө ишеним көрсөтпөө демилгеси боюнча 10-августта кезексиз жыйын өткөрмөкчү болууда. Андыктан адатта жайкы каникулга чыгары менен жер кезип кетүүчү эл өкүлдөрүнүн көпчүлүгү эс алууну ойлоруна албай, кабинеттеринде жүрүшөт. Ким жеңет? Өкмөтпү же Жогорку Кеңешпи? Эгер эл өкүлдөрүнүн көпчүлүгү бул демилгени колдосо, акыркы чечим президентке барып такалат. Президент парламенттин демилгесин колдоого да, четке кагууга да укуктуу. Президент үчүн учурда өлкөдөгү туруктуулук баарынан жогору. Демек, өкмөттү отставкага кетирбей коюу мүмкүндүгү жогору.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (22)

ulukbekkg...

2012-07-30 23:04:49

кечее эле канттагы базанын акысын сурап кыйын болду эле мына жооп проц менен!!!!!!!!!!

zema

2012-08-02 13:49:08

ulukbekkg..., Откондо эле суйунуп атышты эле Базанын акысын толосун деп мына сага кайра эле озубузду карыз кылып озубузду толотуп койдуго .....

Kg_boy3239

2012-07-31 06:12:03

Бабановдо куноо жок Кыкебиз алган карызды эми мынтип биздин мойнубузга жуктолуп отурат.
Мен Бабановду колдойм!!!!!!!

monchok

2012-07-31 16:13:41

Kg_boy3239, Сага ким Бабан куноолуу деп жатат?

Sagy

2012-07-31 10:09:25

Ольаа! Атамбаевди Кытайга жонотолу. Ал барып акча сураса берет. Шылтоосун табат да. Анан аны орустарга берип туруп, Дастанга келгенде ортон колду тик которобуз!

Argymak

2012-07-31 12:55:11

Мынааа сага, келме кезек келдиби. Карызды доолаганы. Миллиёонго. Миллиёонго.
Миллиёонго.
Миллиёонго.
Ссср маалындагы, карызын да сураганга, жетишти го.

baha_kg

2012-07-31 21:32:52

Бакиевтин маалында Бабанов акча коп иштеген,эми Бакиевтин ордуна Бабанов толоп койсо болот.

ulukbekkg...

2012-08-01 00:18:16

заводду иштете албагандан к.н бир келишим менен берсе да болот мамлекетке да пайдасы тиет го бир учак пайда болот беле кг

Taalaibek.

2012-08-01 04:13:53

Бакиевден доолап алсын. Мыйзам деген мыйзам. Же болбосо Бакиевди кармап соттосун.

-1

KR-777

2012-08-01 12:27:35

Кармалган паракорлордун уурдаган акчасын 3-4 эсе кылып куздурса Кыргызстандын карызы толонуп бутуп калмак, бул акчаларды карапайым эл эмес, ушул чондор деп туготкон келген карыздын 10% гана элге, калганын 90% чондор жеп жыргашып журушот

windows.kg

2012-08-04 03:10:45

Мына эмесе 5 мил киши жашасак ар бир кишиге 98 доллардан туура келет экен кашайган калты кашайтып жыйнап бере салгыла жерди саткандын ордуна.

RossiKG

2012-08-04 17:58:04

бакиев ууру, киши олтургучту таап-озу толосун, миллиондогон,миллиардаган акчаларду уурдап баласы экоо, азыр кычырап европада жашап жатышат уялбай-акчаны чачып...байкуш азыркы олко башчлырына абдан элее оор болду, эптеп мамлекетти бутуна тургузгула Бабанов, Атамбаевтер!!!

bektursun2010

2012-08-05 12:01:56

еми гарыз албаш керек

Kunnur

2012-08-06 01:09:58

Baha kg аябай туура Бакиевдин убагында каалаганынча жешкен ким жаман кеткен президент жаман.ошол жаман президенттердин колунда иштеп жеп келишти и жеп дагы келип атышат.элден жашырганы менен Алладан жашыра албайсынар барибир

Nursaikal

2012-08-06 01:32:09

Чыгаша чыкмайынча киреше кирбейт дейт. Атамбаев откондо киреше киргизди эле, чыгарып алды го...хехе, жайлаптыр.

azamat.

2012-08-06 03:06:28

кууда кааласа баары жакшы болот эч кыжалат болбош орустар оздору айткандай СОБАКА ЛАЕТ А КАРАВАН ПРОХОДИТ!!!!!! карыз доолай беретда беребиз карызын кун бар ай бар бакиев жаман эмес политика жаман нерсе.... президиент кактабай канынды сорсода жаман дегенге болбойт кимдин кайсы улуттун тарыхында кордунор эле жаман дегенин даже орустарда иван грозный екатерина вторая ханыша хандарды жаман деген эмес ойноп жазсанарда ойлоп жазгыла!!!!!!!!!!

ZemaKG

2012-08-11 16:42:24

Ошо дейм да полициялар кыргыздарды катту текшерип атат,депорт да болуп атышатко

Комментарий калтыруу үчүн өз ысымыңыз менен кириңиз же каттоодон өтүңүз.

№ 508, 27-июль-2-август, 2012-ж