ГУБЕРНАТОРЛУКТУ ЖОЮУДАН ЭМНЕ «ТОЛК» ЧЫГАТ?
Өкмөттү Кудай сактап, жакынкы аралыкта ээрден шыпырылбай турса, облустар жогорку орган катары кыскарып, губернаторлук кызматты жоюу ишке ашат. Көк үйчүлөр мындай кадам менен жүздөгөн кызмат орундарын кыскартып, казынага миллиондорду үнөмдөөгө болорун айтышууда. Мисалы, обладминистрациянын аппаратында иштегендер 50 пайызга кыскарып, чакан айыл өкмөттөр, райондор биригет. Демек, көптөгөн кызматтык унаа, айлык акы кыскарат дешет.
Губернаторду кетирип, ордуна өкмөттүн ыйгарым укуктуу өкүлдөрүн отургузуудан утуп чыгарыбыз эмне? Аты эле өзгөргөнү болбосо, ал деле облустук деңгээлдеги көйгөйлөрдү чечет экен. Акимдер мурда губернаторго баш ийсе, эми кыңк этпей өкмөт өкүлүнө моюн сунат. Аларда деле кызматтык унаа, иш бөлмө, маяна дегендери бар. Азыркы губернатордон айырмасы, өкмөт башчынын айдагында гана жүрүп калат. Ошол дайындайт, ошол кызматтан алат. Демек, орун алмаштыруунун зарылчылыгы бар беле? Бул боюнча өкмөттүн маалымат кызматына кайрылсак, “ушулар билет” болуп отуруп беш-алты бөлүмүнө “жолдомо” беришти. Аталган бөлүмдөрдүн биринен да оңгулуктуу жооп ала алган жокпуз. “Штат кыскарат, акча үнөмдөлөт” дегенден башка конкреттүү эч нерсе айта алышпады.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (9)
kiskargan kizmatkerler kayda barat eken?
Негизи туура кылат райондор туздон туз окмотко баш ийсе туура болчудай булар ортомчу болуп эле олтуруп келишкен
Озу алмаштырат Бабанов озу билет отугун торго илет ошондо.бул озунун кызыкчылыгы.
Кобуроок акча жегенге мумкунчулук тузуп атышабы эмне.
Ушу Бабанов кыйратып кылмак беле озуно байлык бийлик топтоп ататда. Жазда эле кетириш керек болчу буларды. Ташиевдин айтканын кылыш керек эле
Кыскарткандын ордуна кобойтуу керек, эл-журт башка мамлекетке кетет да жумуш издеп, эл азайган сайын эл башчы азайат. Акыры жок болот?!
Мамлекетке кымындай зыяны тие турган нерсеге каршы туруш керек, Андай болсо окмот башын ликвидация кылыш керек, эл душманы катары куугундукталат.
