ӨКМӨТ ЭЛДИН ЧӨНТӨГҮН КӨЗӨМӨЛДӨЙБҮ?

Премьер-министр Өмүрбек Бабанов жарандардын чыгашасын көзөмөлгө алуу тууралуу мыйзам долбоорун жактырды. Өкмөткө ишенсек, мындай жол менен Кыргызстандын ички дүң продукциясы өсүп, салык кызматы оңолуп, экономикабыз болуп көрбөгөндөй көтөрүлөт экен. Бабанов мындай мыйзам Сингапур өлкөсүндө ийгиликтүү иштеп жатканын мисал келтирди.
Өмүрбек мырза: “Бул мыйзам түздөн-түз коррупцияга каршы иштейт. Чиновниктердин жакындары үйлөрдү куруп, унааларды сатып алып жатканын эл билет. Бирок алардын алган айлыктары буга эч кандай мүмкүнчүлүк бербейт. Көмүскө экономиканы ачыкка чыгарыш керек. Ал үчүн эгерде жаран мүлк сатып алса, 1 айдын ичинде Мамлекеттик салык кызматына акчанын кайдан келгендиги тууралуу декларация тапшырыш керек”,- деди. Чиновниктердин чөнтөгүн көзөмөлдөп, алардын жең ичинен жүргүзүп жаткан иштерин ачыкка чыгарууга эл каршы эмес. Бирок бул мыйзам келип эле карапайым калктын жонуна жабышары турган кеп. Чиновниктер жолун таап келишкен, эми деле табышат. Ал эми Орусия, Казакстанда жанын оозуна тиштеп жүрүп иштеп келип үй-жай алып жаткандар акчаны мыйзамдуу иштеп тапканын кантип далилдеп беришет? Эгер акчанын мыйзамдуу жол менен келгенин далилдей албасаң, алган мүлкүңдү өкмөт тартып алган жатса, карапайым калк кантет? Кайра эле баягы “салыкчы акелердин” күнү тууйт окшоп калды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (16)

zulya

2012-08-06 09:11:34

Бул туура эмес ошол депутаттардын , начальниктердин чонтокторун текшере берсин , капайым эл кимден , кайдан пара алмак эле , ? Тобо кылдым азыр Кыргызстандагы 1 ай иштеп алган зарплатан 1 жумага жетпейт , Ар бир уйбулооодо жок дегенде 1 адам Россияда иштеп журот , азыр 70% эл сырттан келген акчага кун откоруп жатпайбы , анан айлап , жылдап , кыйналып уй алса , декларациясы жок болсо ал адамдын канчалаган мээнети мамлекетке отуп кетсе жаман да , биз 5 жылдап тапкан акчаны чиновниктер 1 айда табат

Emil.

2012-08-06 09:31:46

Кыларга иш жок, акча табуунун айласын издеп эми ушуну олоп таптынбы. Бабанов озу сен бир нерсени коргону калыпсын.

aote

2012-08-06 10:22:00

bironun wapkesin kiybey,ozundukun kiy Babanov!Karapaym eldi oylo?

Nevajno

2012-08-06 14:30:52

орок оро албаган орок тандайттан болбой карапайым калкка пайда алып келген иш кылгылачы озунорго жол ачпай

Jildizka

2012-08-06 15:32:22

Мага мындай бир ой пайда болду. Башка мамилекеттен карыз акча алалбай, же дагы бир жерин сата албай, сатсак эл соз кылат деп эми ушуну ойлоп чыгарыштыбы. Озунун Кыргызтандагы элин акчасын жеп жок кылалы деп атат го андай

Jildizka

2012-08-06 15:36:25

болсо Кыргызтанда эл калбайт. Карыган ата-энелер менен жумушу бар чондор эле калбаса. Жаштардын баарын башка мамилекеттин жарандыгын алып алышса эмне болот. Жети олчоп бир кесип анан суйлошу керек. Чондорду оздорун соттош керек, каяктан акчаларды алдын, дачаны кайсы акчага салдын деп.

Argymak

2012-08-06 19:23:07

М да башынар эми иштей баштаптыр да.
Биринчи Бабанов сен кыргыздын милянери екенсин.
Кана ошол акчалар кайдан келген.
Ошого жооп издебейлиби, элдин оз мээнети пешене тери менен келген акчасына коз артпай.

bazan

2012-08-07 15:25:38

Argymak, ооба ен туура,биринчи озу жооп берсин ошол нерсеге, мулктун каяктан кандай жол менен келгенин

zulya

2012-08-08 22:47:56

Argymak, эн туура Бабанов озу биринчи отчет берсин анан карапайым элдиди текшерсин, биздин карапайым эл Кыргызстанда иштеп эч нерсе ашыра алган жок , Бут баары эле орустардын согушторун угуп , жаман создорун угуп , бир квартирада 20-30 дан адам менен тыгылып жашап , ошол кыйынчылыктарга чыдап анан уй алып , машине алып жатпайбы , Ал эми Бабанов небере чебересине чейин жете турган байлыкты чогултуп алып , дагы деле жетпей жатат дегени эмнеси экен ?

Marath87

2012-08-07 21:40:14

адам эмес экенсин Бабанов! Ушунча соз угуп дагы деле отурасында устулуна жармашып. Достор, кызык биздин коментарийлерди окушар бекен ???

Taalaibek.

2012-08-09 04:27:00

Ал учун карапайым элге ар бир жанга бирден там алып берип анан калган тапкандарын эсепке алып салыкты толото беришсин. Чара корбой жатып эле жондон жон эле мыйзам чыгара берищтин эмне кереги бар.

Mir83

2012-08-11 09:05:23

Taalaibek., tuura aitasyn birin4i elin butuna turguzup anan myizam jonundo oilonsun. Bizdin 4inovnikterdin bawtary iwtebegenine tan kalam.

AGAT

2012-08-10 09:16:44

timan86, рахмат сизге! Катачылык кеткен, түзөтүлдү!

Ananasky

2012-08-10 13:25:24

Элдин чонтогун эсептебей озунун чонтогун эсептесин биринчи анан калган чиновниктердикин эсеп кысап кылберсин алы жетсе ошо Бабанов элдер башка олколордо кыйналып зорго акча тапса эми ошону тартып алгылары барбы ,оюна келген нерсени жасай беришеби элди ойлобой уялыш керек . эл дагы которулуп кетсе бараар жеринерди ойлонуп иш кылгыла бийликтегилер .

timan86

2012-08-10 13:58:33

Мамлекеттик КЫЗматта иштеген жарандыкын текшерүгө алса болот алар деген майанага иштешет. Ал эми карапайым элден албашы керек себеп алар башка олколорго барып иштеп келип анан оздоруно уй жай алып жатат алар кантип атчет берет чет олкодо мына магазинде же тиги заводто иштедим деп атчет береби ошону ойлондунарбы ? Бийликтегилер !

chopa2490

2012-08-11 19:19:58

элдин чонтогу качан толот деп кутуп жургон экенсинда Бабанов, озундун байлыгын жетпей жатабы? силерде бет деген нерсе барбы?

Комментарий калтыруу үчүн өз ысымыңыз менен кириңиз же каттоодон өтүңүз.

№ 509, 3-9-август, 2012-ж