СВЕТ КАЙРАДАН КЫМБАТТАЙБЫ?

Кийинки жылдын 1-апрелинен тарта өлкөдө электр энергиясына болгон баанын кымбатташы күтүлүүдө. Карапайым калктын кулагына жагымсыз угулган бул кабарды Отун-энергетикалык комплекс департаментинин башчысынын орун басары Миргүл Айдарова билдирди. Электр тогуна болгон баа калкка да, энергокомпаниялар үчүн да көтөрүлөт.
“Учурда тарифтерди кайра карап чыгуу боюнча иштер жүрүүдө. Жыйынтыгы жакынкы күндөрү коомчулукка маалымдалат. Калк 5-6 айдын ичинде жаңы баага көнүш керек”,- дейт энергочиновник. Бааларды көтөрүү менен энергетикадагы жыртыктарды бүтөйбүз дешүүдө. Эске салсак, тарифтерди көтөрүү маселеси жыл башында эле көтөрүлгөн. Бирок анда “свет акелер” карапайым калкка эмес, ишканалар үчүн кымбаттай турганын айтышкан эле. Бул го кийинки жылга эскертүү. Быйыл деле жарык кыйратып берилбей турганын энергетиктер эмитен эскертип башташты. “Бул жылы электр энергиясы менен толук камсыз кылуу көйгөйлүү. Чектөөлөр болушу мүмкүн”,- дейт Энергетика жана өндүрүш министринин орун басары Автандил Калмамбетов.
“Энергетика тармагында лидер болобуз” деп кыйкырып жаткан Кыргызстандагы абал ушундай.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

Emil.

2012-08-06 09:44:51

Жыртыктарды коншу олкого сатылган энергетиканын акчасынан жамай беришсин, элдин чонтогуно асылбай.

gulas

2012-08-06 14:28:47

Дагы башталдыбы кымбатчылык.

Baxti

2012-08-06 14:53:38

Чонтокторду жамаш керек болбойтабы!?

bektursun2010

2012-08-07 12:40:03

шадиевке акча керек бекен

jugorsk

2012-08-07 21:10:54

Бакиевди ушинтип светти кымбаттады деп кубалады эле эми озулорунун башына келди бирого гор казсан озун тушосун деген соз бар

Ханбийке

2012-08-09 03:05:53

чиновиктерибиз эле кичине алкымдарын тыйса жыртык тешигин бутогонго жетмек. ага жеткизбей орто жолдон акчаны жалмап койуп атышпайбы.

TolonturCN

2012-08-09 07:31:13

бул дагы бир саясий оюнго, жөн сөз эмес, жарыктын түбүндө турган караңгычылык, эмнени ойлоп жатышты экен.

zema

2012-08-09 15:18:03

эээх ушул светтин эч багы ачылбадыда....ошо чиновниктердин артынан чыгып кеткиче тыгыш керек болуп калды....

Zverchik

2012-08-10 14:15:13

Бакиевди кайтадап атышат жакында суйлошуп аткан теелефондордун баасы кымбаттабаса экен оо Куудай. жазында кайрадан митинг

tilekbek

2012-08-12 09:02:22

свет дегенде алгач рев я эске тушот

Комментарий калтыруу үчүн өз ысымыңыз менен кириңиз же каттоодон өтүңүз.

№ 509, 3-9-август, 2012-ж